مکہ مکرمہ۔14جون (اے پی پی):سعودی عرب کے کمانڈ اینڈ کنٹرول سینٹر برائے حج سکیورٹی نے مکہ مکرمہ اور مشاعر مقدسہ (منٰی، عرفات اور مزدلفہ) میں 8 ہزار کیمرے نصب کیے ہیں جو مصنوعی ذہانت سے لیس ہیں۔العربیہ چینل کے مطابق ان کیمروں کو نگرانی کے لیے 500 سے زائد مقامات پر تقسیم کیا گیا ہے جس کا مقصد حج موسم کے دوران سکیورٹی کو برقرار رکھنا ، ہجوم، ٹریفک اور ہنگامی مسائل سے نمٹنا ہے۔ اسی طرح دیگر حصوں میں بھی کیمروں کی تنصیب کی گئی ہے
جہاں سے عازمین حج کی مختلف جگہوں پر آمد ورفت کی مانیٹرنگ ہوسکے گی جس کے بعد مکہ مکرمہ اورمشاعر مقدسہ کے ہر حصے کی نگرانی آسان ہو جائے گی،یہ کیمرے مصنوعی ذہانت سے لیس ہیں۔ حج سکیورٹی فورسز کے ترجمان لیفٹیننٹ کرنل خالد الکریدیس نے بتایا کہ کمانڈ اینڈ کنٹرول سینٹر حج سکیورٹی فورسز کے منصوبوں کو مکمل کرتا ہے، مرکز نے جدید ترین ٹیکنالوجیز کے حامل کیمروں کی تنصیب کی ہے جو عازمین کے ہجوم کو منظم کرنے کے علاوہ ان کیمروں کے ذریعے دیگر کام بھی انجام دیے جاسکیں گے، یہ مسجد الحرام میں سکیورٹی آپریشن سینٹر 911 سے بھی براہ راست رابطے میں ہوں گے
تاکہ سکیورٹی مسائل بروقت حل ہوسکیں،ان کی مدد سے معاملات آسانی سے نمٹائے جاسکیں گے۔ الکریدیس نے کہا کہ یہ مرکز کئی جدید تکنیی صلاحیتوں کے حوالے سے ممتاز ہیں کیونکہ یہ کیمرے مصنوعی ذہانت پروگرام سے لیس ہیں جو سدایا کے تعاون استعمال کیے جارہے ہیں، ان کیمروں کی تنصیب سے کمانڈ اینڈ کنٹرول سینٹر کا معیار بہت عمدہ اور اعلیٰ ہوگا اور بروقت تمام معاملات آسانی سے حل ہوسکیں گے
Short Link: https://urdu.app.com.pk/urdu/?p=476269
