نائب وزیراعظم سینیٹر محمد اسحاق ڈار سے امریکی ناظم الامور نٹالی بیکر کی ملاقات، حالیہ علاقائی پیش رفت پر تبادلہ خیال کیا

اسلام آباد۔30اپریل (اے پی پی):نائب وزیراعظم اور وزیر خارجہ سینیٹر محمد اسحاق ڈار سے امریکی ناظم الامور نٹالی بیکر نے بدھ کو یہاں ملاقات کی اور حالیہ علاقائی پیش رفت پر تبادلہ خیال کیا۔

دفتر خارجہ کی جانب سے جاری بیان کے مطابق نائب وزیراعظم اور وزیر خارجہ نے قومی مفادات کا تحفظ کرتے ہوئے علاقائی امن اور سلامتی کے لیے پاکستان کے عزم کا اعادہ کیا۔

امریکی ناظم الامور نے تنائو میں کمی کی امریکی خواہش سے آگاہ کیا اور یہ کہ وہ بدلتی ہوئی صورتحال پر دونوں ممالک کے ساتھ منسلک رہے گا۔

Short Link: https://urdu.app.com.pk/urdu/?p=590572