اسلام آباد۔6مئی (اے پی پی):نائب وزیراعظم اور وزیر خارجہ سینیٹر محمد اسحاق ڈار نے الجزائر کے وزیر خارجہ احمد عاطف سے منگل کو ٹیلی فونک گفتگو کی۔ دفتر خارجہ کے مطابق نائب وزیراعظم نے انہیں بدلتی ہوئی علاقائی صورتحال اور بھارت کی اشتعال انگیز بیان بازی اور پاکستان کے خلاف یکطرفہ اقدامات سے پیدا ہونے والی کشیدگی سے آگاہ کیا جس میں سندھ طاس معاہدے کو التوا میں رکھا جانا بھی شامل ہے۔
الجزائر کے وزیر خارجہ نے تحمل کی اہمیت اور دونوں طرف سے کشیدگی کم کرنے کی ضرورت پر زور دیا۔ انہوں نے الجزائر کی جانب سے اقوام متحدہ کی سلامتی کونسل کے فریم ورک کے اندر پاکستان کے ساتھ ہم آہنگی اور تعاون کے عزم کا اعادہ کیا۔ دونوں رہنمائوں نے معیشت، تجارت اور دفاع سمیت متعدد شعبوں میں دوطرفہ تعاون کو مزید مضبوط بنانے پر بھی اتفاق کیا۔
Short Link: https://urdu.app.com.pk/urdu/?p=593595
