اسلام آباد۔18فروری (اے پی پی):وزارتِ مذہبی امور نے 21 تا 27 رمضان المبارک قومی محفل شبینہ کے انعقاد کی تیاریاں شروع کردیں ۔ منگل کو وزارت مذہبی امور ترجمان کے مطابق ملک بھر سے منتخب حفاظ کرام شاہ فیصل مسجد ، اسلام آباد میں شبینہ پڑھانے کی سعادت حاصل کریں گے۔
چاروں صوبوں ، آزاد کشمیر، گلگت بلتستان اور اسلام آباد سے نامزد 56 حفاظ میں سے 14 کا انتخاب مکمل کر لیا گیا ہے ۔ پنجاب سے 4، سندھ، خیبر پختونخوا، بلوچستان اور اسلام آباد سے 2، 2 جبکہ گلگت و آزاد کشمیر سے 1، 1 حافظ شامل ہیں ۔معروف حفاظ و قراء پر مشتمل ججز پینل نے مقامی حفاظ کو وزارت جبکہ دیگر کو انٹرنیٹ پر لائیو سن کر انتخاب مکمل کیا ۔
