اسلام آباد۔31مارچ (اے پی پی):وزیر خارجہ بلاول بھٹو زرداری سے انٹلیکچوئل پراپرٹی رائٹس آرگنائزیشن آف پاکستان (آئی پی آر او) کے چیئرمین فرخ امل نے ملاقات کی۔
ترجمان دفتر خارجہ کے مطابق ملاقات میں پاکستان میں آئی پی ایکو سسٹم کو مضبوط بنانے کے طریقوں اور پاکستان کے نوجوانوں کو معاشی طور پر بااختیار بنانے اور ان کے لیے مواقع پیدا کرنے کے سلسلے میں بین الاقوامی آئی پی معاہدوں سے الحاق کی ضرورت پر تبادلہ خیال کیا گیا ۔
