اسلام آباد۔23فروری (اے پی پی):وزیر داخلہ شیخ رشید احمد نےسابق وزیر داخلہ اورپیپلز پارٹی کے راہنما رحمان ملک کے انتقال پر دکھ اورافسوس کااظہار کیا ہے۔ بدھ کو وزارت داخلہ سے جاری بیان کے مطابق وزیر داخلہ نے رحمان ملک کے لواحقین اور خاندان کے دیگر افراد کے کے ساتھ تعزیت کا اظہار کیا ۔
وزیر داخلہ نے کہا کہ رحمان ملک کی رحلت کی خبر سن کر دکھ ہوا۔ ان کے خاندان کے غم میں برابر کے شریک ہیں۔انہوں نے دعا کی کہ اللہ تعالی مرحوم کو جنت میں اعلی مقام عطا فرمائے اور ان کے درجات بلند کرے۔
