اقتصادی تعاون تنظیم کا 13 واں سربراہ اجلاس پاکستان کی تاریخ میں اہم موقع تھا‘ اجلاس پاکستان کے ایک پرامن اور ترقی پسند قوم ہونے کی علامت ہے
وزیر مملکت برائے اطلاعات و نشریات و قومی ورثہ مریم اورنگزیب کا بیان
اسلام آباد ۔ 02 مارچ (اے پی پی) وزیر مملکت برائے اطلاعات و نشریات و قومی ورثہ مریم اورنگزیب نے کہا ہے کہ اقتصادی تعاون تنظیم کا 13 واں سربراہ اجلاس پاکستان کی تاریخ میں اہم موقع تھا۔جمعرات کو اپنے ایک بیان میں انہوں نے کہا کہ سربراہ اجلاس پاکستان کے ایک پرامن اور ترقی پسند قوم ہونے کی علامت ہے۔ انہوں نے کہا کہ سربراہ اجلاس سے ظاہرہے کہ پاکستان علاقائی روابط پر یقین رکھتا ہے۔
