کھٹمنڈو ۔ 5 مارچ (اے پی پی) وزیراعظم شاہد خاقان عباسی نے کہا ہے کہ جنوبی ایشیائی تنظیم برائے علاقائی تعاون (سارک) ایک اہم فورم ہے جسے اپنی حقیقی صلاحیتوں سے مستفید ہونے کیلئے رکن ممالک کی طرف سے سنجیدہ اور مخلصانہ کوششیں درکار ہیں، پاکستان سارک میں تعمیری کردار ادا کرنے کیلئے پرعزم ہے۔ انہوں نے یہ بات سارک کے سیکرٹری جنرل امجد حسین بی سیال سے گفتگو کرتے ہوئے کہی جنہوں نے پیر کو یہاں ان سے ملاقات کی۔ وزیراعظم نے کہا کہ پاکستان سارک میں تعمیری کردار ادا کرنے کیلئے پرعزم ہے۔
