اسلام آباد۔16مئی (اے پی پی):وزیراعظم محمد شہباز شریف نے جنگ بندی مفاہمت کو برقرار رکھنے کے لیے پاکستان کے پختہ عزم کا اعادہ کرتے ہوئےکہا ہےکہ پاکستان نے بھارت کے بے بنیاد الزامات اور بلا اشتعال جارحیت کے سامنے انتہائی صبر وتحمل کا مظاہرہ کیاہے۔
انہوں نے پاکستان اور برطانیہ کے تعلقات کی مثبت رفتار پر اطمینان کا اظہار کیا اور تمام شعبوں میں دوطرفہ تعاون کو بڑھانے کی اپنی خواہش کا اعادہ کیا۔جمعہ کو وزیراعظم آفس کے میڈیا ونگ سے جاری کردہ بیان کے مطابق وزیراعظم محمد شہباز شریف سے برطانیہ کے وزیر خارجہ ڈیوڈ لیمی ایم پی، نے وزیراعظم ہاؤس میں ملاقات کی۔جنگ بندی مفاہمت کو برقرار رکھنے کے لیے پاکستان کے پختہ عزم کا اعادہ کرتے ہوئے، وزیر اعظم نے کہا کہ پاکستان نے بھارت کے بے بنیاد الزامات اور بلا اشتعال جارحیت کے سامنے انتہائی صبر اور تحمل کا مظاہرہ کیا ہے۔
انہوں نے اس بات کا اعادہ کیا کہ اپنے دفاع کے حق کے استعمال میں، پاکستان کا ردعمل ، متناسب اہداف پر مبنی تھا۔ انہوں نے ہر قیمت پر اپنی خودمختاری اور علاقائی سالمیت کا دفاع کرتے ہوئے جنوبی ایشیاء میں امن کیلئے پاکستان کی مضبوط خواہش کا اعادہ کیا۔ وزیر اعظم نے بادشاہ چارلس سوئم کے ساتھ ساتھ وزیر اعظم کیئر سٹارمر کے لئے اپنی نیک خواہشات کا اظہار کیا ۔
انہوں نے پاکستان اور برطانیہ کےتعلقات کی مثبت رفتار پر اطمینان کا اظہار کیا اور تمام شعبوں میں دوطرفہ تعاون کو بڑھانے کی اپنی خواہش کا اعادہ کیا۔ برطانیہ کے وزیر خارجہ نے جنگ بندی مفاہمت پر وزیراعظم کو مبارکباد دی اور کہا کہ برطانیہ خطے میں امن و استحکام کے فروغ کے لیے تعمیری کردار اداکرتا رہے گا۔
Short Link: https://urdu.app.com.pk/urdu/?p=598031
