وزیراعظم محمد نواز شریف کی اولین ترجیح نوجوانوں کو تعلیمی سہولیات کی فراہمی اور ملک میں خوشحالی لانا ہے، سینیٹر نہال ہاشمی

اسلام آباد ۔ 28 مارچ (اے پی پی)مسلم لیگ (ن) کے سینیٹر نہال ہاشمی نے کہا ہے کہ وزیر اعظم محمد نواز شریف کی اولین ترجیح نوجوانوں کو تعلیمی سہولیات کی فراہمی اور ملک میں خوشحالی لانا ہے ۔ ریڈیو پاکستان سے گفتگو کرتے ہوئے انھوں نے کہا کہ وزیر اعظم پاکستان ملک کے ہر صوبے اور شہر اپنے وطن اور گھر سمجھتے ہیں اور یہی وجہ ہے کہ انھوں نے دو ماہ کے اندر صوبہ سندھ کے سات سے آٹھ دورے کیے ہیں اور حیدر آباد میں سیاسی کارکنوں اور عوام کی بڑی تعداد نے وزیر اعظم کو خوش آمدید کہا اور وہاں یونیورسٹی، شہر کی صفائی ستھرائی سمیت دیگر سہولیات کی فراہمی کی درخواست کی جس پر وزیراعظم محمد نواز شریف نے فوری اقدامات کرتے ہوئے ایک سو کروڑ یونیورسٹی جبکہ 50 کروڑ روپے شہر کی صفائی ستھرائی کے لئے دینے کا اعلان کیا۔

Short Link: https://urdu.app.com.pk/urdu/?p=48134