وزیراعلیٰ کارکنوں کو چھوڑ کر حسب روایت پھر فرار ہوگئے،گورنر خیبرپختونخوا

پشاور۔ 07 اگست (اے پی پی):گورنر خیبرپختونخوا فیصل کریم کنڈی نے کہا ہے کہ وزیراعلیٰ کارکنوں کو چھوڑ کر حسب روایت پھر فرار ہوگئے۔ پشاور میں تقریب سے خطاب میں فیصل کریم کنڈی نے کہا کہ وزیراعلیٰ نے راہِ فرار اختیار کی، میں نے کہا تھا کہ یہ جلسہ نہیں کریں گے، حکومتیں اے پی سی نہیں کرتیں، پالیسی سٹیٹمنٹ دیتی ہیں، بتائیں کہ وزیراعلیٰ کا کون سا بیان ٹھیک ہے؟انہوں نے مزید کہا کہ دہشتگردوں کو لانے والے بھی یہی لوگ ہیں، کوئی صوبہ اپنے طور پر کسی دوسری ریاست سے بات نہیں کرتا، یہ وفاق کا کام ہوتا ہے۔