- Advertisement -
آستانہ۔12اکتوبر (اے پی پی):وزیرِ اعظم محمد شہباز شریف قازقستان کے صدر قاسم ژورمات توکائیف کی طرف سے سیکا میں شریک سربراہانِ ممالک کے اعزاز میں دیئے گئے عشائیے میں شرکت کیلئے پہنچ گئے۔وزیر اعظم آفس کے میڈیا ونگ سےجاری بیان کے مطابق عشائیہ میں ازبکستان کے صدر شوکت مرزایوف بھی وزیرِ اعظم اور صدر قازقستان کے ہمراہ عشائیہ میں شریک ہوئے ۔
عشائیہ سے پہلے وزیرِ اعظم شہباز شریف قازقستان کی طرف سے ثقافتی پروگرام میں شریک ہوئے جس میں سیکا 2022 میں شریک وفود کا پرتپاک استقبال کیا گیا۔وزیرِ اعظم شہباز شریف کی حال ہی میں دونوں رہنماؤں سے سمرقند میں شنگھائی تعاون تنظیم کے سربراہی اجلاس کے موقع پر بھی تفصیلی ملاقات ہوئی تھی۔
- Advertisement -
Short Link: https://urdu.app.com.pk/urdu/?p=332334
- Advertisement -
