وفاقی دارالحکومت میں پولن کی مجموعی مقدار میں معمولی کمی ریکارڈ

اسلام آباد۔14دسمبر (اے پی پی):وفاقی دارالحکومت اسلام آباد میں پولن کی مجموعی مقدار میں معمولی کمی ریکارڈ کی گئی ہے جبکہ فضا میں پولن کا تناسب بھی نچلی سطح پر رہا۔

محکمہ موسمیات کے مطابق گزشتہ 24 گھنٹوں کے دوران وفاقی دارالحکومت کے مختلف سیکٹرز میں پولن کی مجموعی مقدار38سے کم ہو کر 37فی مکعب میٹر ریکارڈ کی گئی جبکہ جنگلی شہتوت کے پولن کی مقدار صفر رہی۔

اس کے علاوہ گھاس کے پولن کی مقدار 2 اور فنجائی کی مختلف اقسام کے پولن کی مقدار 35 فی مکعب میٹر ریکارڈ کی گئی ہے۔

Short Link: https://urdu.app.com.pk/urdu/?p=419980