اسلام آباد۔4ستمبر (اے پی پی):وفاقی دارالحکومت اسلام آباد میں حضر ت امام حسین ؑکے چہلم کے مو قع پر فول پروف سکیورٹی کو یقینی بنانے کے لئے وفاقی پولیس نےخصوصی حکمت عملی تیار کرلی۔چہلم کے لیئےاسلام آباد پولیس اور دیگر قانون نافذ کرنے والے اداروں کے2500 سے زائد افسران و اہلکارسکیورٹی پر مامور ہوں گے۔
ترجمان پولیس کی جانب سے فراہم کردہ تفصیلات کے مطابق اسلام آ باد کیپیٹل سٹی پولیس آفیسر ڈاکٹر اکبر ناصرخاں کے خصوصی احکامات کی روشنی میں وفاقی دارالحکومت اسلام آباد میں حضرت امام حسین ؑ کے چہلم کے مو قع پر پولیس نے فول پروف سیکورٹی کو یقینی بنانے کے لئے سکیورٹی پلان کو حتمی شکل دے دی ہے۔محرم الحرام کے دوران امام بارگاہوں میں مجالس اور اعزاداروں کے جلوسوں کو بھر پور تحفظ فراہم کرنے کے لیے اسلام آباد کیپیٹل پولیس نے بڑے پیمانے پر حفاظتی اقدامات کیے ہیں۔
،تمام مکاتب فکرکے علماءو مشائخ،ممبران امن کمیٹی اور دانشوروں سے بھی ملاقاتیں کی گئی ہیں۔حضر ت امام حسینؑ کے چہلم کے موقع چہلم کے جلوس کی فول پروف سیکورٹی کے لیے اسلام آباد پولیس،پاکستان رینجرزاور ایف سی کے دو ہزار 500 سے زائد افسران واہلکاروں کوتعینا ت کیا گیا ہے،آپریشنز ڈویژن کے علاوہ اسپیشل برانچ، لاجسٹک ڈویڑن، سی ٹی ڈی، لیڈی پولیس اورٹریفک پولیس بھی ڈیوٹی دیں گے۔،شہر بھر کے داخلی اور خارجی راستوں پرسخت چیکنگ کی جائے گی،
جبکہ جلوس کی سیف سٹی کیمروں کے ذریعے نگرانی کی جائے گی،کسی بھی شخص کو چھت پر جانے کی اجازت نہ ہوگی،چھتوں پر مسلح پولیس اہلکار فرائض منصبی سرانجام دیں گے،پولیس کی بکتر بند گاڑیاں خصوصی طور پر کسی بھی ناگہانی صورتحال سے نمٹنے کے لیے موجود رہیں گی،ضلعی انتظامیہ کی طرف سے ایسے علماءکرام جن کے داخلے پر اسلام آباد میں پابندی لگائی گئی ہے ان پر کڑی نظر رکھنے کی بھی ہدایات کی گئی ہیں تا کہ وہ کسی قسم کی سرگرمیوں میں حصہ نہ لے سکیں،جبکہ وال چاکنگ کا خاتمہ کیا جائے
، جلوس کے آغاز اور اختتام میں وقت کی پابندی کا خاص خیال رکھا جائے،جلوس کے راستے میں آنے والے تمام چھوٹے بڑے راستوں اور گلیوں کو خاردار تار لگا کربند کیا جائیگا،جلوس شروع ہونے سے قبل جلوس کے روٹ کی ا سپیشل چیکنگ کی جائے گی اور جلوس کے روٹ کو بم ڈسپوزل سکواڈکلیئر کرے گی،اسی طرح جلو س کی ڈرون کیمروں کے ذریعے ویڈیو ریکارڈنگ کی جائے،اسلام آباد شہر کو بالخصوص جلوس کے مقرر روٹس مکمل سیل کر دئیے جائیں گے،مقامی و غیر مقامی افراد کو مکمل تلاشی کے بعد جلوس میں داخلے کی اجازت ہوگی،
جلوس میں گاڑیوں اور موٹرسائیکلوں کے داخلے پر مکمل پابندی ہوگی،امام بارگاہوں کے اردگرد پارکنگ کی اجازت نہ ہوگی جلوس میں شامل ہونے والے عزاداروں کی مکمل جانچ پڑتال کی جائے گی اورداخلی اور خارجی راستوں پر واک تھرو گیٹ نصب کیے جائیں گے،جلوس کے راستے میں زیر تعمیر عمارتوں پر خصوصی نظر رکھی جائیگی اور چھتوں پرکمانڈوز تعینات کئے جائیں گے، جلوس کے راستوں میں روشنی کا خصوصی بندوبست کیا جائے
، اس کے علاوہ امام بارگاہ یا مجالس کے قریب جلوس کے روٹ پر قائم مدرسے اور مساجد میں متعلقہ ایس ڈی پی اواورافسر مہتمم تھانہ جات کی سفید پارچات میں سیکورٹی ڈیوٹی لگائی گئی ہے،جلوس کے قریب ایمبولینس اور فائر بریگیڈ کی گاڑیاں موجود ہوں گی، اس بات کو یقینی بنایا جائے گا کہ امام بارگاہ میں داخل ہونے والاہر شخص واک تھرو گیٹ سے داخل ہو،اس کے علاوہ اما م با رگاہ کی سیکورٹی کیلئے رینجر کمانڈوز کی گا ڑ یا ں لگا ئی گئی ہیں، جلو س کے مقرر کر دہ راستو ں پر ڈولفن سکو اڈ کو گشت پر مامو ر کیا گیا ہے،
تمام زونل ڈی پی اوز، ایس ڈی پی اوزاورافسر مہتمم تھا نہ جا ت جلوس کی نگرانی خود کریں گے،جلو س کے منتظمین رضا کار جن میں مرد و خواتین تلاشی لینے کے لئے تعینات کریں گے،امام بارگا ہ پر خصوصی کمانڈوز، پولیس،رینجرز کے دستے تعینات کرنے کے ساتھ ساتھ انہیں پوری طرح چوکس رکھا جائے گا تاکہ کسی بھی ناخوشگوار واقعہ سے بچا جا سکے، جلوس کو رسیوں سے مکمل بند رکھا جائے گا،اسلام آ باد کیپیٹل سٹی پولیس آ فیسرنے کہا کہ اسلام آبادکیپیٹل پولیس شہریوں کے جان و مال کے تحفظ کے ساتھ ساتھ اپنے پیشہ ورانہ فرائض بھر پور ذمہ داری اور جذبہ سے سرانجام دے گی۔
Short Link: https://urdu.app.com.pk/urdu/?p=386617
