اسلام آباد۔25فروری (اے پی پی):وفاقی محتسب اعجا ز احمد قر یشی کی ہدا یت پر وفاقی محتسب کے ایڈ وائزر ہا رون سکندر پا شا کی سر برا ہی میں وفاقی محتسب کی ٹیم (کل) 26 فروری بروز بد ھ کو تحصیل ہیڈ کوارٹرز حضرو ضلع اٹک میں دن 11بجے کھلی کچہر ی کا انعقاد کرے گی ،جس میں وفاقی اداروں کے مقا می افسران بھی مو جود ہوں گے۔ وفاقی محتسب کے افسران، وفاقی اداروں کے خلا ف شکایات سن کر ان کے ازالے کے لئے متعلقہ اداروں کو مو قع پر ہی ہدا یات دیں گے۔
منگل کو وفاقی محتسب سیکرٹریٹ سے جاری بیان کے مطابق واضح رہے کہ یہ کھلی کچہری عوام کو وفاقی محتسب کی طرف سے ان کے گھر کی دہلیز پر انصاف کی فرا ہمی کے پروگرام آئوٹ ریچ کمپلینٹ ریزولوشن (او سی آر) کا حصہ ہے۔
وفاقی محتسب نے بجلی، گیس، نا درا، بے نظیر انکم سپورٹس پروگرام، پا سپورٹ آ فس، پو سٹل لا ئف انشو رنس، سٹیٹ لا ئف انشو رنس کا رپو ریشن اور پا کستان پوسٹ آ فس سمیت وفاقی اداروں کے متعلقہ حکام کو کھلی کچہر ی میں شر یک ہو نے کی ہدا یت کی ہے تا کہ ان کے خلا ف شکا یات کا مو قع پر ہی ازالہ کیا جا سکے۔ عوام النا س کھلی کچہر ی میں وفاقی اداروں کے خلاف شکا یات پیش کر سکتے ہیں۔
Short Link: https://urdu.app.com.pk/urdu/?p=565998
