اسلام آباد۔7مارچ (اے پی پی):وفاقی وزیر اطلاعات و نشریات عطاءاللہ تارڑ نے نامور محقق اور سینئر تجزیہ کار ڈاکٹر سید رفعت حسین کے انتقال پر گہرے دکھ اور افسوس کا اظہار کیا ہے۔ جمعہ کو اپنے تعزیتی بیان میں وفاقی وزیر اطلاعات نے کہا کہ ڈاکٹر رفعت حسین کے انتقال کی خبر سن کر دلی افسوس ہوا، مرحوم نے تحقیق، تجزیئے اور بین الاقوامی امور کے میدان میں نمایاں خدمات انجام دیں۔
انہوں نے کہا کہ ڈاکٹر رفعت حسین کے انتقال سے پاکستان ایک معتبر محقق اور دانشور سے محروم ہو گیا ہے جن کے خیالات اور آراءپالیسی سازوں اور علمی حلقوں کے لئے مشعل راہ ہیں۔ انہوں نے کہا کہ مرحوم کی علمی بصیرت، غیر جانبدار تجزیئے اور قومی امور پر گہری نظر ہمیشہ یاد رکھی جائے گی۔
دریں اثناءوفاقی وزیر اطلاعات نے سینئر صحافی و اینکر طلعت حسین کو ٹیلیفون کر کے ان کے بڑے بھائی ڈاکٹر رفعت حسین کے انتقال پر تعزیت کا اظہار کیا اور کہا کہ سوگوار خاندان کے دکھ میں برابر کے شریک ہیں۔ انہوں نے دعا کی کہ اللہ تعالیٰ مرحوم کو جنت الفردوس میں اعلیٰ مقام اور لواحقین کو صبر جمیل عطاءفرمائے۔
Short Link: https://urdu.app.com.pk/urdu/?p=570209
