اسلام آباد۔2اگست (اے پی پی):وفاقی وزیر بجلی انجینئر خرم دستگیر خا ن سے منگل کو یہاں پاکستان میں آسٹریا کے سفیر نکولس کیلر، مس ایسرا ڈیرےڈپٹی ہیڈ آف مشن ترک ایمبیسی، مسٹر فتح سیوکاسسٹنٹ جنرل منیجر لیمک ترکی، مسٹر ایرگن کورے (لیمک ترکی) اور مسٹر ساجد الرحمن اسسٹنٹ منیجر بزنس ڈویلپمنٹ اینڈریٹز ہائیڈرو نے ملاقات کی اور توانائی کے شعبے میں سرمایہ کاری کے امکانات اور دوطرفہ امور پر تبادلہ خیال کیا۔
وفاقی وزیر نے وفد سے گفتگو کرتے ہوئے کہا کہ پاکستان ہمیشہ یہاں سرمایہ کاری کرنے والی غیر ملکی کمپنیوں کا منتظر ہے اور سرمایہ کاری کو آسان بنانے کے حکومتی عزم کا اعادہ کیا۔ترکی کی تعمیراتی کمپنی لیمارک کئی سالوں سے پاکستان میں کام کر رہی ہے۔
یہ ترکی کی معروف ڈیم تعمیراتی کمپنی ہے اور اس نے پوری دنیا میں 28 ڈیم مکمل کیے ہیں۔ ہائیڈرو اینتریزڈیم کی جگہوں پر ہائیڈرو مکینیکل کام کرتی ہے۔ وزیر اعظم شہباز شریف کے دورہ ترکی کے دوران ترک کمپنیوں کے ساتھ سرمایہ کاری کے مختلف منصوبوں پر تبادلہ خیال کیا گیا۔
یہ ملاقات پاکستان کے ہائیڈرو پاور سیکٹر میں تعاون اور سرمایہ کاری کی نئی راہیں اور امکانات تلاش کرنے کی انہی کوششوں کا تسلسل ہے، انجینئر خرم دستگیر خا ن نے کمپنیوں کی دلچسپی کا خیرمقدم کیا اور اس سلسلے میں اپنے مکمل تعاون کا یقین دلایا۔ لیمارک کمپنی آنے والے دنوں میں اپنی تجویز پیش کرے گی جس پر دونوں اطراف سے مزید بات چیت کی جائے گی۔
