وفاقی وزیر برائے قومی ورثہ و ثقافت نے وزارت میں ملازم پر مبینہ تشدد کے واقعہ کا نوٹس لے لیا، ڈائریکٹر معطل، انکوائری کا حکم

اسلام آباد۔25جولائی (اے پی پی):وفاقی وزیر برائے قومی ورثہ و ثقافت اورنگزیب خان کھچی نے وزارت ثقافت میں ایک افسوسناک واقعے پر فوری ایکشن لیتے ہوئے ڈائریکٹر محمد بلال کو نائب قاصد پر مبینہ تشدد کے الزام کے بعد معطل کر دیا ہے۔

وفاقی وزیر نے واقعے کا فوری نوٹس لیتے ہوئے اعلیٰ سطحی انکوائری کا حکم بھی جاری کیا۔ ان کا کہنا تھا کہ وزارت میں کسی بھی سرکاری ملازم پر ظلم یا ناانصافی برداشت نہیں کی جائے گی، تمام ملازمین برابر ہیں اور قانون سے بالاتر کوئی نہیں۔