اسلام آباد۔22مئی (اے پی پی):وفاقی وزیر صحت سید مصطفی کمال نے فلسطینی وزیر صحت سے ملاقات کی۔اس موقع پر مصطفی کمال نے وزیراعظم شہباز شریف کا پیغام فلسطینی ہم منصب کو پہنچایا ۔انہوں نے پاکستان کا فلسطینی کاز سے غیر متزلزل عزم کا اعادہ کیا ۔فلسطینی وزیر نے پاکستان کی تاریخی حمایت کو سراہا ۔پوری پاکستانی قوم بہادر فلسطینی عوام کے ساتھ کھڑی ہے ۔ملاقات میں غزہ کے لیے طبی و انسانی امداد پر تبادلہ خیال ہوا ۔
دونوں وزراء کی انسانی ہمدردی کے عملی اقدامات پر گفتگو ہوئی ۔انہوں نے کہا کہ عوام کو طبی اور انسانی امداد فراہم کرنے کے مختلف طریقوں پر تبادلہ خیال کیا ھے ۔انہوں نے ورلڈ ہیلتھ اسمبلی کے اجلاس میں عالمی دنیا کی توجہ اسرائیل کی غزہ میں جاری جارحیت پر مبذول کروائی ہے ۔
پاکستان فلسطین، خصوصاً غزہ کے خلاف اسرائیلی جارحیت کی شدید ترین الفاظ میں مذمت کرتا ہے ۔اسرائیل کا ہسپتالوں اور طبی عملے کو جان بوجھ کر نشانہ بنانا انتہائی افسوس ناک عمل ہے ۔یہ نسل کشی پر مبنی مہم اور مظالم فوری طور پر بند ہونے چاہیں ۔ ملاقات عالمی ادارہ صحت کی اسمبلی کے موقع پر ہوئی۔
Short Link: https://urdu.app.com.pk/urdu/?p=600087
