اٹک۔ 04 فروری (اے پی پی):وزارت اوورسیز پاکستانیز، ہیومن ریسورز اور وزارت مذہبی امور کے فوکل پرسن اور ممتاز سیاسی راہنما غلام مصطفیٰ ملک کہا ہے کہ وزارت اوورسیز کے تحت وفاقی وزیر چوہدری سالک حسین کی قیادت میں بیرون ممالک مقیم پاکستانیوں کے حقوق کے تحفظ کو یقینی بنایا جائے گا۔ حکومت اور اوورسیز پاکستانیوں کے درمیان پل کا کردار ادا کرکے وزارت کی کارکردگی مثالی بنائیں گے۔
ان خیالات کا اظہار انہوں نے اٹک پریس کلب رجسٹرڈ کے چیف کوآرڈینیٹر نثار علی خان سے خصوصی گفتگو میں کیا جنہوں نے ان سے ملاقات کرکے وزارت مذہبی امور اور وزارت اوورسیز پاکستانیز کا فوکل پرسن مقرر ہونے پر مبارکباد پیش کی۔ اس موقع پر عمر فاروق خان بھی موجود تھے۔
غلام مصطفیٰ ملک نے مزید کہا کہ بیرون ممالک مقیم ہم وطنوں کے مسائل کے خاتمہ کیلئے اپنی کاوشوں سے پارٹی قائد چوہدری شجاعت حسین، وزیر اعظم میاں شہباز شریف اور وفاقی وزیر مذہبی امور و اوورسیز پاکستانیز چوہدری سالک حسین کے اعتماد پر پورا اتروں گا۔ انہوں نے معروف صحافی نثار علی خان کی آمد پر ان کا شکریہ ادا کیا۔ اس موقع پر نثار علی خان نے کہا کہ غلام مصطفیٰ ملک کی فوکل پرسن تقرری سے وزارتوں سے متعلق عوامی مسائل حل ہوں گے۔
Short Link: https://urdu.app.com.pk/urdu/?p=555865
