اسلام آباد۔18اپریل (اے پی پی):آئی سی سی ویمنز ورلڈکپ کوالیفائر 2025 ایونٹ پاکستان میں شروع ہوچکا ہے ،جس میں شائقین کرکٹ کو انتہائی دلچسپ اور کانٹے دار مقابلے دیکھنے کو مل رہے ہیں۔ ٹورنامنٹ میں 19 اپریل بروز (ہفتہ کو )مزید دوآخری میچوں کا فیصلہ ہوگا۔آئی سی سی ویمنز ورلڈکپ کوالیفائر 2025 ایونٹ کا14واں میچ پاکستان اور بنگلہ دیش کی ویمنز ٹیموں کے درمیان لاہور سٹی کرکٹ ایسوسی ایشن گراؤنڈ، لاہورمیں کھیلا جائے گا۔ یہ میچ پاکستان کے معیاری وقت کے مطابق صبح 9 بجکر 30 منٹ پر شروع ہوگا۔
اسی روز کا دوسرا اور آخری اور ایونٹ کا 15واں میچ ویسٹ انڈیز تھائی لینڈ کی خواتین ٹیموں کے درمیان قذافی سٹیڈیم ، لاہور میں کھیلا جائے گا اور یہ میچ پاکستان کے معیاری وقت کے مطابق دن دو بجے شروع ہوگا۔ انٹرنیشل کرکٹ کونسل (آئی سی سی) کے شیڈول کے تحت ویمنز ورلڈکپ کوالیفائر 2025 ٹورنامنٹ 9اپریل سے 19 اپریل تک پاکستان میں کھیلا جائے گا جس میں 6 ٹیمیں ایکشن میں نظر آئیں گی،
ایونٹ میں شریک ٹیموں میں میزبان پاکستان، ویسٹ انڈیز، آئرلینڈ، سکاٹ لینڈ،تھائی لینڈ اور بنگلہ دیش شامل ہیں۔ پاکستانی ویمن ٹیم ایونٹ میں 19 اپریل کو اپنا پانچواں اور آخری میچ بنگلہ دیش کے خلاف کھیلے گی ۔پاکستان کی ویمنز ٹیم آئی سی سی ویمنز ورلڈ کپ کے لئے کوالیفائی کر چکی ہے۔
Short Link: https://urdu.app.com.pk/urdu/?p=583971
