لاہور۔16اپریل (اے پی پی):ٹریفک مینجمنٹ اینڈ کمانڈ کورس کی ٹریننگ سینٹرل پولیس آفس میں تیسرے روز بھی جاری رہی۔ترجمان کے مطابق کورس میں لاہور، فیصل آباد، گوجرانوالہ اور ملتان کے ٹریفک آفیسر (TOs) شامل ہوئے ۔ انہوں نے بتایاکہ صوبہ بھر کے تمام ڈی ٹی اوز بذریعہ ویڈیو لنک کورس میں شامل ہوئے۔ اس موقع پر سی او او سیف سٹی کیپٹن(ر)مستنصر فیروز نے ٹریفک مینجمنٹ اینڈ کمانڈ کورس کے تیسرے روز خصوصی شرکت کی اور لیکچر بھی دیا۔
ایڈیشنل آئی جی ٹریفک مرزا فاران بیگ نے بتایا کہ ڈسٹرکٹ ٹریفک افسران ٹریفک مینجمنٹ اور پبلک سروس ڈیلیوری کو مزید بہتر بنائیں،اپنے اضلاع میں متعلقہ اداروں کے تعاون سے روڈ انفراسٹرکچر اور ٹریفک انتظامات میں مزید بہتری لائیں، جدید آر ٹیفیشل انٹیلیجنس کے ذریعے ٹریفک وائلیشن پر قابو پا کر حادثات میں کمی لائی جا رہی ہے، سی او او سیف سٹی کیپٹن(ر) مستنصر فیروز پکار ون فائیو پر موصول ہونےوالی ٹریفک کالز اور ریکارڈ کے موازنہ سے ٹریفک نظام میں مزید بہتری لائی جا سکتی ہے۔
سی او او سیف سٹی دورہ حاضر میں ٹریفک نظام میں بہتری کےلئے آرٹیفیشل انٹیلیجنس کا استعمال ناگزیر ہے۔ انہوں نے بتایاکہ لاہور، گجرانوالہ، فیصل آباد اور ملتان کے (TOs)نے موجودہ ٹریفک نظام میں اصلاحات کے حوالے سے تجاویز پیش کی۔ ترجمان نے بتایاکہ ٹریفک افسران نے ترقی یافتہ ممالک میں سمارٹ ٹریفک مینجمنٹ سسٹم کی مثالیں بھی پیش کی۔ ایڈیشنل آئی جی مرزا فاران بیگ ایڈیشنل ائی جی ٹریننگ طارق رستم چوہان،ایڈیشنل آئی جی شہزادہ سلطان ،ایس ایس پی غضنفر علی شاہ نے (TOs) کی پریزنٹیشن پر ریمارکس بھی دیے۔
ٹریفک افسران سے پریزنٹیشن کا مقصد ضلع میں بطور ڈسٹرکٹ ٹریفک آفیسر کس پلاننگ کے تحت پرفارم کریں گے۔ انہوں نے بتایاکہ ٹریفک افسران کی تمام پریزنٹیشنز پر افسران/کمیٹی کے ریمارکس انسپکٹر جنرل پولیس ڈاکٹر عثمان انور کو پیش کیے جائیں گے۔ سید غضنفر علی شاہ ایس ایس پی ہیڈ کواٹر نے بتایاکہ ایمانداری اور نئے جوش و جذبے کے ساتھ اضلاع میں جا کر اپنی صلاحیتوں کو منوانا ہوگا ۔
Short Link: https://urdu.app.com.pk/urdu/?p=582635
