پانچویں بلائنڈ ورلڈکپ کرکٹ ٹورنامنٹ کے شیڈول کا اعلان

اسلام آباد ۔ 14 دسمبر (اے پی پی) پاکستان بلائنڈ کرکٹ کونسل (پی بی سی سی) نے پانچویں بلائنڈ ورلڈ کپ کرکٹ ٹورنامنٹ کے شیڈول کا اعلان کردیا، پاکستان اور روایتی حریف بھارت کی ٹیمیں 8 جنوری کو افتتاحی میچ میں قذافی سٹیڈیم لاہور میں آمنے سامنے ہوں گی۔ جمعرات کو پی بی سی سی نے آئندہ ماہ پاکستان اور متحدہ عرب امارات میں ہونے والے پانچویں بلائنڈ ورلڈ کپ کا شیڈول جاری کر دیا، میگا ایونٹ 8 سے 21 جنوری تک پاکستان اور متحدہ عرب امارات کے مختلف گراﺅنڈز پر کھیلا جائے گا جس میں 6 ٹیمیں میزبان پاکستان، بھارت، آسٹریلیا، سری لنکا، بنگلہ دیش اور نیپال کی ٹیمیں عالمی ٹائٹل کے حصول کیلئے ایکشن میں دکھائی دیں گی

Short Link: https://urdu.app.com.pk/urdu/?p=81233