اسلام آباد ۔ 19 دسمبر (اے پی پی) پاکستان بلائنڈ کرکٹ کونسل (پی بی سی سی) کے زیر اہتمام پانچویں بلائنڈ ون ڈے ورلڈ کپ کی تیاری کیلئے قومی کھلاڑیوں کا تربیتی کیمپ 24 دسمبر سے شروع ہوگا۔ پاکستان بلائنڈ کرکٹ کونسل کے چیئرمین سید سلطان شاہ کے مطابق لاہور میں ہونے والے تربیتی کیمپ میں ورلڈ کپ کیلئے منتخب شدہ 18 کھلاڑیوں کو مدعو کیا گیا ہے اور انہیں ہدایت کی گئی ہے کہ وہ 23 دسمبر تک رپورٹ کریں جن کھلاڑیوں کو کیمپ میں مدعو کیا گیا ہے ان میں کپتان نثار علی، نائب کپتان عامر سمیت (بی ون کیٹیگری) میں ظفر اقبال، ساجد نواز ، محمد ایاز، ریاست خان، محمد آصف، (بی ٹو کیٹیگری) میں بدر منیر، مطیع اللہ، انیس جاوید، ہارون خان، ذیشان عباسی جبکہ (بی تھری کیٹیگری) میں محمد جمیل، محسن خان، محمد اعجاز، ثناءاللہ مروت، اسرار حسین، محمد راشد کے نام شامل ہیں اور انہیں کوچ عبدالرزاق بیٹنگ کوچ مسعود جان اور ٹرینز طاہر محمود بٹ تربیت دینگے۔
Short Link: https://urdu.app.com.pk/urdu/?p=81873
