پاکستان اور جنوبی افریقہ کے درمیان مشترکہ دفاعی کمیٹی بنانے کا معاہدہ طے پا گیا

پاکستان اور جنوبی افریقہ کے درمیان مشترکہ دفاعی کمیٹی بنانے کا معاہدہ طے پا گیا، جنوبی افریقہ کا جے ایف سیونٹین اور سوپر مشاق طیاروں میں اظہار دلچسپی دونوں ممالک مشترکہ ڈیفینس کمیٹی بنائیں گے

اسلام آباد ۔ 27 مارچ (اے پی پی) پاکستان اور جنوبی افریقہ کے درمیان مشترکہ دفاعی کمیٹی بنانے کے لیے معاہدہ طے پا گیا۔ جنوبی افریقہ نے جے ایف سیونٹین اور سوپر مشاق طیاروں میں دلچسپی کا اظہار کیا۔پاکستان اور جنوبی افریقہ مشترکہ ڈیفینس کمیٹی بنائیں گے۔ دونوں ممالک کے درمیان دفاعی معاہدہ طے پاگیا۔ دفاعی معاہدہ ” دفاع اور دفاعی صنعت” پر پاکستان اور جنوبی افریقہ کے وزرائے دفاع نے راولپنڈی میں دستخط کیے۔ معاہدے کے تحت قائم مشترکہ ڈیفینس کمیٹی جوائنٹ دفاعی تربیت اور پروگرامز مرتب کرے گی جبکہ معلومات کا تبادلہ اور دفاعی سازو سامان کی خرید و فروخت بھی معاہدے میں شامل ہے۔وزیر دفاع خواجہ آصف سے جنوبی افریقی کی وزیر دفاع نوسیوی ماپیسا نے ملاقات کی۔ ان کا کہنا تھا کہ سرحدی تحفظ اور امیگریشن امور پر پاکستان سے مدد لیں گے۔ وزیر دفاع خواجہ آصف نے کہا کہ پاکستان دہشتگردی کے خلاف لڑنے والا صف اول کا ملک ہے۔معزز مہمان نے وفاقی وزیر دفاعی پیدوار رانا تنویر حسین سے بھی ملاقات کی اور جے ایف سیونٹین اور سوپر مشاق طیاروں میں دلچسپی دکھائی۔

Short Link: https://urdu.app.com.pk/urdu/?p=48026