اسلام آباد۔15اپریل (اے پی پی):پاکستان سپر لیگ 10 میں کل(بدھ کو) واحد میچ اسلام آباد یونائیٹڈ اور ملتان سلطانز کے مابین کھیلا جائے گا۔ پی سی بی کے زیر اہتمام پی ایس ایل کے دسویں ایڈیشن کے دلچسپ مقابلوں کا سلسلہ جاری ہے۔ بدھ کو لیگ کے ساتویں میچ میں اسلام آباد یونائیٹڈ اور ملتان سلطانز کی ٹیمیں راولپنڈی کرکٹ سٹیڈیم، راولپنڈی میں مدمقابل ہوں گی۔ میچ رات 8 بجے شروع ہو گا اور فلڈ لائٹس کی روشنی میں کھیلا جائے گا۔
اسلام آباد یونائیٹڈ کو شاداب خان لیڈ کر رہے ہیں اور دیگر نمایاں کھلاڑیوں میں کولن منرو، جیسن ہولڈر، نسیم شاہ، عماد وسیم، سلمان آغا شامل ہیں۔ ملتان سلطانز کی ٹیم مایہ ناز وکٹ کیپر بلے باز محمد رضوان کی زیر قیادت میدان میں اترے گی، دیگر نمایاں کھلاڑیوں میں مائیکل بریسویل،ڈیوڈ ویلے،شائی ہوپ،کرس جارڈن،محمد حسنین،اوسامہ میر،عثمان خان،افتخار احمد اور کامران غلام شامل ہیں۔ ٹورنامنٹ کا فائنل 18 مئی کو قذافی سٹیڈیم، لاہور میں کھیلا جائے گا۔
Short Link: https://urdu.app.com.pk/urdu/?p=582049
 واحد میچ اسلام آباد یونائیٹڈ اور ملتان سلطانز کے مابین کھیلا جائے گا){kind=link}