راولپنڈی۔20اپریل (اے پی پی):پاکستان سپر لیگ (پی ایس ایل) 10 کے سلسلے میں گیارہواں میچ کل(پیر کو) کراچی کنگز اور پشاور زلمی کے درمیان نیشنل سٹیڈیم، کراچی میں کھیلا جائے گا۔
میچ رات 8 بجے شروع ہو گا۔ کراچی کنگز کو سابق آسٹریلوی جارح مزاج بیٹر ڈیوڈ وارنر لیڈ کر رہے ہیں اور دیگر نمایاں کھلاڑیوں میں حسن علی، شان مسعود، ٹم سیفرٹ، جیمز ونس، محمد نبی، ایڈم ملن شامل ہیں۔ پشاور زلمی مایہ ناز بیٹر بابر اعظم کی زیر قیادت میدان میں اترے گی۔ اس ٹیم کے دیگر نمایاں کھلاڑیوں میں صائم ایوب، ٹام کوہلر کیڈمور، محمد حارث، الزاری جوزف، لیوک ووڈ شامل ہیں۔ پی ایس ایل کے اس اہم مقابلے میں دونوں ٹیمیں پوائنٹس ٹیبل پر اپنی پوزیشن بہتر بنانے کی کوشش کریں گی۔
شائقین کرکٹ کراچی کے تاریخی سٹیڈیم میں ایک دلچسپ اور سنسنی خیز مقابلے کی توقع کر رہے ہیں۔ میچ کی تمام تیاریاں مکمل کر لی گئی ہیں اور سکیورٹی کے سخت انتظامات کیے گئے ہیں۔
Short Link: https://urdu.app.com.pk/urdu/?p=584675
 10 کے سلسلے میں گیارہواں میچ (کل) کراچی کنگز اور پشاور زلمی کے درمیان نیشنل سٹیڈیم، کراچی میں کھیلا جائے گا){kind=link}