اسلام آباد۔13نومبر (اے پی پی):پاکستان نے بابا گرو نانک کے 552 ویں یوم پیدائش کے موقع پر 3ہزار سکھ یاتریوں کو ویزے جاری کیے ہیں، بھارت میں سکھ برادری نے کرتار پور راہداری کو دوبارہ کھولنے کے لیے اپنی حکومت کو 19 نومبر کی ڈیڈ لائن دی ہے۔نئی دہلی میں پاکستان کےہائی کمیشن نے 17 سے 26 نومبر 2021 تک پاکستان میں بابا گرو نانک کے 552 ویں یوم پیدائش کی تقریبات میں شرکت کے لیے بھارتی سکھ یاتریوں کو تقریباً 3ہزار ویزے جاری کیے ہیں۔ بھارت کے علاوہ دیگر ممالک میں مقیم ہزاروں سکھ یاتری بھی شرکت کریں گے۔
بھارت میں پاکستانی ہائی کمیشن نے گزشتہ روز اعلان کیا تھا کہ تقریب میں شرکت کے لیے پاکستان کا دورہ کر رہے ہیں،پاکستان میں قیام کے دوران سکھ یاتری ننکانہ صاحب میں گوردوارہ جنم استھان اور کرتار پور میں گوردوارہ دربار صاحب سمیت مختلف گوردواروں میں مزہبی رسومات ادا کریں گے۔تاہم بھارت میں سکھوں نے ایک شری کرتارپور صاحب کوریڈور سنگرش کمیٹی ( ایس کے ایس سی ایس سی) تشکیل دی ہے جس نے 19 نومبر تک مطالبہ پورا نہ ہونے کی صورت میں اپنی تحریک کو بین الاقوامی پلیٹ فارمز پر لے جانے کا اعلان کیا ہے۔
بھارتی میڈیا نے ایس کے ایس سی ایس سی کے رکن سریندرپال سنگھ طالب پور کے حوالے سے بتایا کہ انہوں نے کرتار پور کوریڈور کو دوبارہ کھولنے کا مطالبہ کرنے کے لیے 13 رکنی کمیٹی تشکیل دی ہے ۔ تاکہ پیروکار پاکستان کا سفر کر سکیں اور اسی دن گوردوارہ دربار صاحب میں مذہبی رسومات ہونے کے بعد واپس آ سکیں۔ایس کے ایس سی ایس سی کے ایک اور رکن بلوندر سنگھ پکھوکے نے کہا کہ انہوں نے کرتار پور کوریڈور کو جلد از جلد دوبارہ کھولنے کے لیے ڈیرہ بابا نانک میں بین الاقوامی سرحد پر دعا کی تھی۔
اگر حکومت نے ہمارا مطالبہ تسلیم نہیں کیا، تو ہم حکومت پر دباؤ بنانے کے لیے اپنی تحریک کو ریاست بھر میں پھیلا دیں گے،” پکھوکے نے کہا کہ طالب پور نے دعویٰ کیا کہ انہیں غیر ملکی سکھ اداروں کی طرف سے زبردست ردعمل ملا ہے جنہوں نے انہیں ایس کے ایس سی ایس سی کی تحریک کے کی حمایت اعادہ کیاہے۔انہوں نے کہا کہ19 نومبر کے بعد ہم ایک میٹنگ کریں گے اور مزید لائحہ عمل طے کرنے کے لیے بیرون ملک اپنے حامیوں کے ساتھ ورچوئل بات چیت بھی کریں گے۔
گزشتہ روز دفتر خارجہ کے ترجمان نے کہا کہ کوریڈور پاکستان کی طرف سے کھلا ہے اور بھارت سے بھی توقع ہے کہ وہ سکھ یاتریوں کو آنے والی تقریبات میں شامل ہونے کی اجازت دے گا۔انہوں نے اپنی ہفتہ وار پریس بریفنگ میں کہا کہ "ہم بھارت اور دنیا بھر سے آنے والے ہزاروں عقیدت مندوں کو پاکستان آنے والے یوم پیدائش کی تقریبات کے لیے خوش آمدید کہنے کے لیے تیار ہیں جس کے لیے جامع انتظامات کیے گئے ہیں،”
انہوں نے اپنی ہفتہ وار پریس بریفنگ میں کہا کہ پاکستان نے کرتارپور کوریڈور کے افتتاح کی دوسری سالگرہ بھی منائی جسے اقوام متحدہ کے سیکرٹری جنرل نے ‘امید کی راہداری’ کا نام دیا تھا۔2019 میں وزیر اعظم عمران خان کی طرف سے افتتاح کیا گیا، راہداری بین المذاہب ہم آہنگی کو فروغ دینے کے لیے پاکستان کی کوششوں کی ایک روشن مثال ہے، اور ملک میں مذہبی اقلیتوں کو دی جانے والی اولین پاکستان کی عکاسی کرتی ہے۔
راہداری کی دوسری سالگرہ کے موقع پر وزیر اعظم عمران خان نے ٹویٹ کیا، "آج کرتار پور کوریڈور کی دوسری سالگرہ ہے – بین المذاہب ہم آہنگی کی راہداری جو ہندوستان کی سکھ برادری کو ان کے مقدس ترین مقامات میں سے ایک تک خصوصی رسائی کی اجازت دیتی ہے۔انہوں نے کہا کہ کرتار پور راہداری اقلیتوں کے حقوق اور بین المذاہب ہم آہنگی کے لیے ان کی حکومت کے عزم کی عکاسی کرتی ہے۔
شرومنی گردوارہ پربندھک کمیٹی (ایس جی پی سی) کی صدر بی بی جاگیر کور نے بھی گزشتہ روز بھارتی وزیر اعظم نریندر مودی کو ایک خط لکھ کر کرتار پور کوریڈور کو دوبارہ کھولنے پر زور دیا. حکومت نے کوویڈ 19 پروٹوکول کے ساتھ سیاسی اور مذہبی اجتماعات اور تقریبات کی اجازت دی ہے۔ اس لیے اسے کرتار پور راہداری کو بھی جلد از جلد یاترا کے لیے کھول دینا چاہیے ۔
