جنیوا۔23مئی (اے پی پی):وفاقی وزیر صحت مصطفیٰ کمال نے کہا ہے کہ پاکستان ڈبلیو ایچ او مشرقی بحیرہ روم کے ساتھ موجودہ تعاون کو مزید مستحکم کرے گا ۔ انہوں نے یہ بات ڈبلیو ایچ او مشرقی بحیرہ روم کی ریجنل ڈائریکٹر ڈاکٹر حنان بلخی سے جنیوا میں ہونے والی ملاقات کے دوران کہی۔ وزارت قومی صحت کی طرف سےجاری بیان کے مطابق ملاقات میں علاقائی سطح پر صحت کی ترجیحات اور چیلنجز پر تبادلہ خیال کیا گیا۔
فریقین نے صحت کے شعبے کو جدید خطوط استوار کرنےکے لئے قریبی شراکت داری کو وسعت دینے اور مؤثر ریگولیٹری فریم ورک، ٹیلی میڈیسن، مصنوعی ذہانت اور دیگر نئی ٹیکنالوجیز کے فروغ پر اتفاق کیا جس کا مقصد عوام کو بہتر، مؤثر اور بروقت طبی سہولیات کی فراہمی کو یقینی بنانا ہے۔
وفاقی وزیر صحت سید مصطفیٰ کمال نے کہا کہ صحت کے شعبے میں ڈبلیو ایچ کی خدمات قابل تحسین ہیں ۔پاکستان عالمی اداروں کے تعاون سے قومی صحت کے نظام کو مزید بہتر بنانے کے لئے پرعزم ہے۔انہوں نے کہا کہ یہ ملاقات مستقبل کی مضبوط شراکت داری کی ایک اہم کڑی ثابت ہوگی ۔ ڈاکٹر حنان بلخی نے پاکستان کی صحت عامہ کے شعبے میں کوششوں کو سراہا اور بھر تعاون کا یقین دلایا ۔
Short Link: https://urdu.app.com.pk/urdu/?p=600550
