پاکستان کے بابر اعظم اور بھارت کے کپتان ویرات کوہلی بیٹنگ میں دونوں ہی بہترین کارکردگی کا مظاہرہ کر رہے ہیں، دونوں کے کھیلنے کی تکنیک اچھی تاہم مزاج اور رویے میںکوہلی کی نسبت بابرکودھیمے ہونے کی سبقت حاصل ہے، سائوتھمپٹن کی پچ سے اسپنرز کو خاصی مدد ملے گی، وہاں بائونس اور ٹرن دونوں موجودہیں، البتہ اولڈٹریفورڈ مانچسٹر میں انگلش بولرز کو زیادہ ایڈوانٹیج حاصل ہوگا، ثقلین مشتاق

اسلام آباد ۔ 15 جون (اے پی پی) سابق آف سپنر ثقلین مشتاق نے کہا ہے کہ پاکستان کے بابر اعظم اور بھارت کے کپتان ویرات کوہلی بیٹنگ میں دونوں ہی بہترین کارکردگی کا مظاہرہ کر رہے ہیں، رنز بھی خوب بنا رہے ہیں اور اپنی ٹیموں کی کامیابی میں کردار ادا کرنے کے متلاشی رہتے ہیں، دونوں کے کھیلنے کی تکنیک اچھی تاہم مزاج اور رویے کی بات کریں تو جارحانہ مزاج کے حامل کوہلی کی بانسبت بابرکودھیمے ہونے کا ایڈوانٹیج حاصل ہے۔ویب سائٹ کرکٹ پاکستان ڈاٹ کام کو خصوصی انٹرویو میں انہوں نے سائوتھمپٹن کی پچ دورۂ انگلینڈ کیلئے لیگ سپنرز کو اہم ہتھیار قرار دیا جانے لگا۔ سابق کرکٹر ثقلین مشتاق نے کہا ہے کہ یاسر شاہ اور شاداب خان کی پرفارمنس پاکستان کیلئے بہت خاص ہوگی، سائوتھمپٹن کی پچ سے سلو بولرز کو مدد ملے گی، اولڈ ٹریفورڈ میں پیس بیٹری کو منظم انداز میں بائولنگ کرنا ہو گی۔حال ہی میں ہائی پرفارمنس سینٹر میں ہیڈ آف انٹرنیشنل پلیئرز ڈیولپمنٹ کی ذمہ داریاں سنبھالنے والے ثقلین مشتاق نے کہا کہ سائوتھمپٹن کی پچ سے اسپنرز کو خاصی مدد ملے گی، وہاں بائونس اور ٹرن دونوں موجودہیں، البتہ اولڈٹریفورڈ مانچسٹر میں انگلش بولرز کو زیادہ ایڈوانٹیج حاصل ہوگا۔وہاں پاکستانی پیس کو بہتر بولنگ کرنا پڑے گی۔ انھوں نے کہا کہ بلال آصف باصلاحیت اسپنر ہیں، ان کے ساتھ دیگر نوجوان سپنرز کی صلاحیتوں کو بھی نکھاریں گے تاکہ اس شعبہ میں بھی بہترین بولرز پاکستان کے پاس ہوں جو ہر قسم کی پچز پر شاندار کھیل پیش کر سکیں، اس کیلئے بہترین انداز میں پلاننگ کریں گے. انھوں نے کہا کہ ابھی تو کورونا کی وجہ سے کچھ ایشوز ہیں، جیسے ہی نارمل حالات ہوں گے عملی طورپر کام ہوتا نظر آنے لگے گا، کچھ وقت ضرور لگے گا لیکن لوگوں کوبہتری ضرور دکھائی دے گی۔تنقید کرنا سب کا حق اور یہ ہونا بھی چاہئے لیکن اگر اچھاکام کریں گے تو امید رکھتے ہیں کہ تعریف بھی ہوگی۔ ایک سوال پر ثقلین مشتاق نے کہا کہ تھوک کے بغیر گیند کی چمک برقرار رکھنا بولرز کیلئے مشکل اور انہیں زیادہ محنت کرنا پڑے گی، اچھا سپنر اس کا فائدہ اٹھا سکتا ہے۔انہوں نے کہا کہ اس وقت ناتھن لیون ٹیسٹ فارمیٹ میں سب سے بہترین سپنر دکھائی دیتے ہیں۔ انہوں نے کہا کہ بیٹنگ میں ویرات کوہلی اور بابر اعظم دونوں ہی بہترین پرفارم ہیں، دونوں رنز کر رہے ہیں اور اپنی ٹیموں کی کامیابی میں کردار ادا کرنے کے متلاشی رہتے ہیں، دونوں کے کھیلنے کی تکنیک اچھی تاہم مزاج اور رویے کی بات کریں تو جارحانہ مزاج کے حامل کوہلی کی بانسبت بابرکودھیمے ہونے کا ایڈوانٹیج ہے۔

Short Link: https://urdu.app.com.pk/urdu/?p=202878