پاکستان کے تمام مذاہب مسلمان، ہندو، سکھ، مسیحی اور دیگر سب پاکستانی پرچم تلے متحد ہیں،صوبائی وزیر اقلیتی امور

قصور۔۔۔ 04 مئی (اے پی پی):صوبائی وزیر اقلیتی امور رمیش سنگھ اروڑہ نے قصور میں گڈ شیپرڈ مسیحی ہسپتال کے ڈینٹل ڈیپارٹمنٹ کا افتتاح کردیا۔صوبائی وزیر برائے اقلیتی امور رمیش سنگھ اروڑہ نے گزشتہ روز قصور کے نواحی علاقہ الہ آباد کا دورہ کیا اور "گڈ شیپرڈ مسیحی ہسپتال” کے ڈینٹل ڈیپارٹمنٹ کا افتتاح کیا۔

اس موقع پر انہوں نے کہا کہ ہر مذہب انسانیت کی خدمت کا درس دیتا ہے اور خوشی ہے کہ اسی جذبے کے تحت یہ ادارہ پسماندہ علاقوں میں بین الاقوامی معیار کی طبی سہولیات فراہم کر رہا ہے۔ رمیش سنگھ اروڑہ نے ہسپتال کے بانی چیئرمین ڈاکٹر سلیم میسی کی خدمات کو سراہتے ہوئے کہا کہ انہوں نے دکھی انسانیت کی خدمت کا عظیم مشن اپنایا ہے۔

اُن کا کہنا تھا کہ دکھی انسانیت کی خدمت کے تحت ایک پسماندہ علاقے میں جدید طبی سہولیات سے آراستہ ہسپتال کا قیام ایک اعلیٰ مثال ہے۔صوبائی وزیر نے کہا کہ پاکستان کے تمام مذاہب مسلمان، ہندو، سکھ، مسیحی اور دیگر سب پاکستانی پرچم تلے متحد ہیں۔

Short Link: https://urdu.app.com.pk/urdu/?p=592214