پاکستان کے علما و مشائخ کا آج ملک بھر میں یوم استحکام پاکستان منانے کا اعلان

لاہور۔24اپریل (اے پی پی):پاکستان کے تمام مکاتب فکر کے علما و مشائخ نے قومی سلامتی کمیٹی کے فیصلوں کی مکمل تائید و حمایت کرتے ہوئے اعلان کیا ہے کہ آج25 اپریل بروز جمعہ کو ملک بھر میں یوم استحکام پاکستان منایا جائے گا،اس حوالے سے چیئرمین پاکستان علما کونسل و سیکرٹری جنرل انٹرنیشنل تعظیم حرمین شریفین کونسل حافظ محمد طاہر محمود اشرفی نے اپنے ایک بیان میں کہا کہ پاکستان علما کونسل اور اس کی حلیف جماعتیں تمام مکاتب فکر کے علما و مشائخ وزیر اعظم پاکستان اور سپہ سالار جنرل عاصم منیر کو یقین دلاتے ہیں کہ ہر لمحہ ہم حکومت ، افواج پاکستان اور سلامتی اداروں کے شانہ بشانہ ہیں۔

Short Link: https://urdu.app.com.pk/urdu/?p=587316