کراچی۔ 28 اپریل (اے پی پی):پاکستانی باکسر عثمان وزیر کا کراچی انٹرنیشنل ایئرپورٹ پر پرتپاک استقبال کیا گیا۔ انہوں نے ورلڈ سیام اسٹیڈیم، بینکاک، تھائی لینڈ میں بھارتی باکسر ایسوران کے خلاف شاندار ناک آئوٹ فتح حاصل کی۔ایس ایس یو کے برانڈ ایمبیسیڈر عثمان وزیر نے کہا کہ انہیں فخر ہے کہ اپنے ملک کا نام روشن کیا، پاکستان کی خاطر ہر قربانی دینے کیلئے تیار ہیں۔ائرپورٹ پر ایس ایس یو کے کمانڈوز کی بڑی تعداد کے ساتھ معروف سماجی و سیاسی شخصیات بھی موجود تھیں
جنہوں نے قومی ہیرو کو خراجِ تحسین پیش کیا۔ عثمان وزیر جنہوں نے محض پہلے دو منٹ میں اپنے حریف کو ناک آئوٹ کیا ایک بار پھر پاکستان کیلئے فخر اور بین الاقوامی شہرت کا باعث بنے ہیں۔اس موقع پر ڈی آئی جی سکیورٹی اینڈ ایمرجنسی سروسز ڈویژن ڈاکٹر مقصود احمد نے کہا کہ عثمان وزیر قومی اثاثہ اور ہماری نوجوان نسل کیلئے حقیقی رول ماڈل ہیں، ان کی محنت اور کامیابیاں پاکستان کی عالمی سطح پر شناخت کو مزید بلند کر رہی ہیں۔
Short Link: https://urdu.app.com.pk/urdu/?p=588944
