پاکستانی سفیر رحیم حیات قریشی کا یورپ ڈے پر تہنیتی پیغام

برسلز۔9مئی (اے پی پی):یورپی یونین، بیلجیئم اور لکسمبرگ میں پاکستان کے سفیر رحیم حیات قریشی نے جمعہ کو یورپ ڈے 2025 کے موقع پر یورپی یونین کے اداروں، حکومتوں اور عوام کو دلی مبارکباد پیش کی ہے۔

سفیر نے سماجی رابطے کے پلیٹ فارم ایکس پر اپنی پوسٹ میں کہا کہ پاکستان یورپی یونین کے ساتھ اپنے کثیر الجہتی روابط کی قدر کرتا ہے اور امن، خوشحالی اور پائیدار ترقی کے لیے تعمیری تعاون کے لیے پرعزم ہے۔

Short Link: https://urdu.app.com.pk/urdu/?p=595051