پاکستانی سکواش پلیئرا شعب عرفان نے سینٹ لوئس اوپن 2025 کا ٹائٹل اپنے نام کرلیا

اسلام آباد۔18اپریل (اے پی پی):اشعب عرفان نے آر سی پرو سیریز سینٹ لوئس میں 15000 ڈالر کے ایونٹ میں کامیابی حاصل کر کے ملک کا نام روشن کیا۔20 سالہ اشعب عرفان نے برطانوی کھلاڑی چارلی کو فائنل میں یکطرفہ مقابلے کے بعد 0-3 سیٹس سے شکست دی۔37 منٹ تک جاری رہنے والے فائنل میں اشعب نے برطانوی حریف کھلاڑی چارلی کو(7-11، 2-11 اور 7-11)سے ہرا کر ٹائٹل اپنے نام کیا۔

اشعب عرفان کے کوچ جہانزیب مسعود کا کہنا تھا کہ یہ جیت اشعب کی انتھک محنت، لگن اور استقامت کا نتیجہ ہے، اشعب موجودہ وقت میں ورلڈ رینکنگ میں 66 نمبر پر ہیں۔ ان کی یہ جیت سکواش کے روشن مستقبل کی نوید ہے، اس فتح کے بعد اشعب کی رینکنگ میں 66 سے 57 تک بہتری کا امکان ہے۔

Short Link: https://urdu.app.com.pk/urdu/?p=584068