پاکستانی قوم کا ہر فرد مظلو م کشمیر ی بھا ئیو ں کے ساتھ ہے۔شہیدو ں کاخون ضروررنگ لا ئے گا

سرگودھا۔5فروری (اے پی پی):کمشنر نبیل جاوید نے کہاہے کہ مستحکم پاکستان مقبوضہ کشمیر کی آزادی کی ضمانت ہے۔پاکستانی قوم کا ہر فرد مظلو م کشمیر ی بھا ئیو ں کے ساتھ ہے اور کشمیر کی آ زادی کے لئے ان کی اخلا قی وسفارتی امداد جا ری رکھی جا ئے گی۔

شہیدو ں کاخون ضروررنگ لا ئے گا، کشمیر کے پر امن حل کیلئے ضروری ہے کہ اقوام متحدہ کی قرارداروں کے مطابق کشمیری عوام کو اپنی قسمت کا فیصلہ کر نے کا حق دیا جائے۔ اس سلسلے میں عالمی اداروں کو موثر کر دار ادا کر نا چاہیے۔

وہ یو م یکجہتی کشمیر کے سلسلہ میں جنا ح ہا ل کمپنی باغ میں منعقدہ تقریب سے خطاب کر رہے تھے۔ تقریب میں ڈپٹی کمشنر محمد اصغر جوئیہ ، ایس پی انویسٹی گیشن اکرم خان نیازی، اے ڈی سی جی طلحہ زبیر، اسسٹنٹ کمشنر عظیم شوکت اعوان، چیئرمین پی ایچ اے محمود بخش گیلانی،

آصف علی بگا ، ذیشان حیدری اور ڈاکٹر ہا رون الرشید تبسم سمیت سرکاری افسران و ملا زمین ، وکلا، ڈاکٹرز ، علماء کر ام ، سیا سی و سماجی شخصیات، طلبہ، سول ڈیفنس کے رضاروں اورسکاوٹس سمیت شہریو ں نے بڑی تعداد میں شرکت کی۔ کمشنر نبیل جاوید نے کہاکہ مسئلہ کشمیر پر پوری قوم چٹان کی طر ح متحد ہے جو کشمیر کی آزادی کیلئے واضع پیغام ہے۔ آزادی کی تحریک میں کشمیر ی اکیلے نہیں۔

کشمیر یو ں سے ہما را جسم و جا ں کا رشتہ ہے۔ بھارت نے کشمیر یو ں کو 74سالو ں سے یر غمال بنا یا ہو اہے ، آزادی ان کا حق ہے۔ اقوام عالم کی مجرمانہ خاموشی بھا رتی فوج کی حوصلہ افزائی ہے .

ڈپٹی کمشنر محمد اصغر جوئیہ نے کہا کہ مضبوط پاکستان کشمیر یو ں کی مضبوط آواز ہے۔ پوری قوم اپنے اندر اتحاد، اتفاق، باہمی بھا ئی چارے اور ہم آہنگی کو مستحکم بنا ئے تاکہ پاکستان کی کشمیر یو ں کے حق میں آواز کو تقویت مل سکے۔

انہوں نے کہا کہ پاکستان نے ہمیشہ کشمیریوں کی آزادی اوران پر ہونے والے جبرواستعداد اور ظلم وستم کو دنیا کے ہر فورم پر اٹھایا ہے۔وقت نے قائد اعظم محمد علی جناح اورعلامہ اقبال کے دو قومی نظریہ کو درست ثابت کر دیا ہے۔ ڈاکٹر ہارون الرشید تبسم نے کہا کہ کشمیریوں پر آزمائش کی گھڑی ہے جو جلد ٹل جائے گی اوروہ آزاد فضائوں میں سانس لیں گے۔

انہوں نے مزید کہا کہ ایک کروڑکے لگ بھگ مسلمانوں کو10 لاکھ بھارتی فوج زیادہ دیر یر غمال اور محکوم نہیں رکھ سکتی۔ہم کشمیری مائوں،بہنوں اور بیٹیوں کی قربانیوں کو نہیں بھلاسکتے۔ اب کشمیری خواتین بھی جاگ اٹھی ہیں۔،ان کی آزادی کے سامنے کو ئی بھی دیوار کھڑی نہیں رہ سکتی ہے۔کسی بھی جمہوری قوم کو زبردستی زیادہ عرصہ محکوم نہیں رکھا جا سکتا۔

تقریب میں مختلف سکو لوں کے طلبہ نے ٹیبلو ز اور نغموں کے ذریعے کشمیر کے انسانی المیہ کا اظہارکیا۔تقریب کے شرکاءنے ایک منٹ کی خاموشی اختیار کر کے اہل کشمیر کے ساتھ محبت و یگانگت کا اظہار کیا۔اس موقع پر پاکستان اور کشمیر کے قومی ترانے بجائے گئے۔

سی او ایجوکیشن ریاض قدیر بھٹی نے پاکستان کی سلامتی اور اہل کشمیر کی آزادی کے لئے خصوصی دعا بھی کروائی۔تقریب کے اختیام پر کمشنر نبیل جاوید اور ڈپٹی کمشنر محمد اصغر جوئیہ کی قیادت میں جناح ہال سے سول ہسپتال چوک تک ریلی بھی نکالی گئی۔

Short Link: https://urdu.app.com.pk/urdu/?p=293975