پشاور۔ 12 اکتوبر (اے پی پی):پشاور کے فقیر آباد ڈویژن پولیس نے مختلف کارروائیوں کے دوران 50 لاکھ روپے، 40 موبائل فونز، موٹر کار، 15 موٹر سائیکل اور اسلحہ برآمد کرکے سنیچرز اور موٹر سائیکل لفٹرز گینگز گرفتار کر لئے۔ کیپٹل سٹی پولیس پشاور کے مطابق گرفتار ملزمان میں محمد ظریف، کفایت، عارف اللہ، امیر زادہ، امتیاز اور یاسر عرف صدام شامل ہیں۔
گرفتار ملزمان ہزار خوانی اور ناگمان، حاجی کیمپ، گلبہار اور رانو گڑھی کے رہائشی ہیں۔ ایس پی فقیر آباد ڈویژن سید طلال احمد شاہ کے مطابق برآمد شدہ رقم، موٹر سائیکل اور موبائل فونز اپنے مالکان کو حوالے کر دیئے گئے ہیں۔ گرفتار ملزمان سے مزید تفتیش جاری ہے۔
