لاہور۔11مارچ (اے پی پی):پنجاب پبلک سروس کمیشن نے سال 2024میں ہونے والی بھرتیوں کے حوالے سے تفصیلی رپورٹ کے مطابق 7،458امیدواروں کو پنجاب پبلک سروس کمیشن کی جانب سے مختلف محکمہ جات کو بھرتی کے لیے سفارشات ارسال کی گئیں۔
پنجاب پبلک سروس کمیشن نے سال 2024 میں پنجاب بھر کے مختلف محکمہ جات میں ہونے والی بھرتیوں کے حوالے سے رپورٹ کے مطابق پنجاب پبلک سروس کمیشن نے سال 2024 میں مجموعی طور پرپنجاب بھر کے مختلف محکمہ جات کی 12800آسامیوں کے لیے اشتہارات دئیے گے۔ ان آسامیوں کے لیے تقریبا سات لاکھ باسٹھ ہزار تین سو بانویامیدواروں نے آئن لائن درخواست جمع کروائی جبکہ 12800آسامیوں کے لیے 5 لاکھ 89 ہزار 857امیدوار وں نے امتحان میں حصہ لیا۔
امتحان میں کامیاب 27،819امیدوروں کو انٹرویو کے لیے بلایا گیاجبکہ 7،458امیدواروں کو پنجاب پبلک سروس کمیشن کی جانب سے مختلف محکموں کو بھرتی کے لیے سفارشات ارسال کی گئیں۔1163آسامیاں موزوں امیدواروں کی عدم دستیابی کے سبب خالی رہیں۔
Short Link: https://urdu.app.com.pk/urdu/?p=571115
