لاہور۔17اپریل (اے پی پی):پنجاب پولیس کے خدمت مراکز شہریوں کو ڈیجیٹل خدمات کی فراہمی میں مصروف عمل ہیں۔ ترجمان کے مطابق رواں سال اب تک 10 لاکھ 8 ہزار سے زائد شہریوں نے خدمت مراکز سے پولیسنگ سروسز حاصل کیں، انہوںنے بتایاکہ 05 لاکھ 34 ہزار سے زائد شہریوں نے جنرل پولیس ویریفیکیشن کروائی02 لاکھ 51 ہزار سے زائد شہریوں نے پولیس کریکٹر سرٹیفیکیٹ حاصل کئے جبکہ01 لاکھ 27 ہزار سے زائد شہریوں نے کرایہ داری اندراج کروایا اسی طرح43 ہزار 600 سے زائد شہریوں نے میڈیکولیگل سرٹیفیکیٹس حاصل کئے، انہوںنے بتایاکہ کمزور طبقات کیلئے جاری اقدامات کے تحت 39 ہزار افراد کو قانونی و سماجی تحفظ فراہم کیا گیا، 12 ہزار سے زائد شہریوں نے وہیکلز ویری فیکیشن کروائی، 26 ہزار سے زائد شہریوں نے دستاویزات کی اندراج گمشدگی اور1377 نے جرائم رپورٹ کی رجسٹریشن کروائی۔
48 ہزار شہریوں نے ایف آئی آر کی نقول حاصل کی ، 10 ویمن وائیلنس رپورٹس درج ہوئیں،3121 شہریوں نے ایمپلائیز رجسٹریشن (ROPE) کروائی ۔1123 شہریوں نے نجی ملازمت کیلئے پولیس ویریفیکیشن کروائی، خدمت مراکز پبلک سروس ڈلیوری کا شاندار فلیگ شپ پراجیکٹ، شہریوں کو24/7 سہولیات فراہم کی جارہی ہیں۔ ڈاکٹر عثمان انور نے بتایاکہ لاہور سمیت صوبہ بھر میں لاکھوں شہری ماہانہ پولیس خدمت مراکز کی سہولیات سے مستفید ہو رہے ہیں،شہریوں کے فیڈ بیک کی روشنی میں سروسز کو مزید اپ گریڈ کیا جارہا ہے۔
Short Link: https://urdu.app.com.pk/urdu/?p=583309
