لاہور۔2اپریل (اے پی پی):عید الفطر کے ایام محفوظ بنانے کیلئے پنجاب پولیس کے انٹیلی جنس بیسڈ سرچ، سویپ اینڈ کومبنگ آپریشنز جاری ہیں جس کے تسلسل میں پنجاب پولیس نے عیدالفطر کے روز 35 سرچ اینڈ سویپ آپریشنز، 4520 افراد سے پوچھ گچھ اور 04 مشتبہ افراد گرفتار کیے گئے۔ ترجمان پنجاب پولیس نے بتایا کہ عید الفطر کے روز 402 کومبنگ آپریشنز کیے گئے اور 10 ہزار 700سے زائد مشتبہ افراد کی چیکنگ کی گئی جبکہ 09 مشکوک افراد حراست میں لئے گئے۔سرچ آپریشنز اور چیکنگ کے دوران سنگین جرائم میں ملوث 116 اشتہاری، 69 عدالتی مفرور اور 43 عادی مجرمان گرفتار کئے گئے۔
جرائم پیشہ و مشتبہ افراد کے قبضہ سے بڑی تعداد میں ناجائز اسلحہ اور گولیاں بھی برآمد کی گئیں۔ جرائم پیشہ افراد کے خلاف کاروائی کے دوران 04 مجرمان کیفرکردار کو پہنچے۔ آئی جی پنجاب نے کہا کہ دہشت گردوں اور جرائم پیشہ عناصر کی سرکوبی کے لئے پنجاب پولیس کی فرضی مشقیں بھی جاری ہیں۔ فرضی مشقوں میں پنجاب پولیس، سی ٹی ڈی، سپیشل برانچ، ایلیٹ فورس، ریسکیو 1122 اور قانون نافذ کرنے والے اداروں کی ٹیمیں حصہ لے رہی ہیں۔
Short Link: https://urdu.app.com.pk/urdu/?p=577963
