لاہور۔19اپریل (اے پی پی):محکمہ موسمیات نے پیشگوئی کی ہے کہ آئندہ چوبیس گھنٹوں کے دوران لاہور سمیت شمال مشرقی و بالائی علاقوں میں بارش جبکہ دیگر علاقوں میں موسم گرم رہنے کا امکان ہے۔ ترجمان محکمہ موسمیات کے مطابق صوبائی دارالحکومت لاہور سمیت حافظ آباد، گوجرانوالہ، منڈی بہائوالدین، گجرات، سیالکوٹ، نارووال، خوشاب، قصوراور سرگودھا میں آندھی و گرج چمک کے ساتھ بارش جبکہ چند مقامات پر ژالہ باری کی بھی توقع ہے ۔
ترجمان کے مطابق گزشتہ چوبیس گھنٹوں کے دوران شمال مشرقی،وسطی و جنوبی علاقوں میں بارش اور ژالہ باری بھی ہوئی جبکہ دیگر اضلاع میں موسم گرم رہا۔لاہور میں کم سے کم درجہ حرارت 24اور زیادہ سے زیادہ 39سینٹی گریڈ ریکارڈ کیا گیا جبکہ ہوا میں نمی کا تناسب 15فیصدرہا۔لا ہور میں آلودگی کی مجموعی شرح 97فیصد رہی
جبکہ شہر کے مختلف علاقوں میں ایئر کولٹی انڈیکس فیز ایٹ ڈی ایچ ایایوی گرین 156,ذکی فارمز 149،پاور زون 160،ایوی گرین ڈی ایچ اے 134،ریو نیو سوسائٹی 112، ہو لو گرائونڈ 124،سید مراتب علی روڈ107اور ڈائمنڈ پینٹس پر153ایئر کوالٹی انڈیکس ریکارڈ کیا گیا۔
Short Link: https://urdu.app.com.pk/urdu/?p=584508
