ڈیرہ غازی خان۔ 11 نومبر (اے پی پی):پولیس نے کارروائی کے دوران 5200لیٹر ایرانی ڈیزل برآمد کر کے کسٹم حکام کے حوالے کر دیا۔تفصیلات کے مطابق ڈی پی او ڈیرہ غازی خان احمد محی الدین کی ہدایت پر سمگلنگ کی روک تھام کے لئے ضلع بھر کے داخلی و خارجی راستوں پر چیکنگ کا سلسلہ جاری ہے اسی چیکنگ کے دوران تھانہ سخی سرور پولیس اور انچارج چیک پوسٹ فرہاد احمد نے اپنی ٹیم کے ہمراہ بلوچستان سے پنجاب سمگل ہونے والے ایرانی ڈیزل، سگریٹ کی سمگلنگ کو ناکام بنا دیا۔
چیک پوسٹ سخی سرور نے6 گاڑیوں سے 5200 لیٹر ایرانی ڈیزل،12 کارٹن سگریٹ، 229 پیکٹ ون ٹو ون سپاری کو قبضہ میں لیکر کارروائی کے بعد کسٹم حکام کے حوالہ کر دیا گیا ہے۔اس حوالہ سے انچارج چیک پوسٹ سخی سرور نے کہا ہے کہ نان کسٹم سامان سمگلنگ کرنے والوں کے خلاف آہنی ہاتھوں سے نمٹا جائے گا اور نان کسٹم سامان سمگلنگ کرنے والوں کے ساتھ کسی بھی قسم کی کوئی رعایت نہیں برتی جائے گی۔
Short Link: https://urdu.app.com.pk/urdu/?p=409833
