کراچی۔18جنوری (اے پی پی):کیپیٹل مارکیٹ کے لیے ایک اہم پیش رفت کے طور پر پاکستان اسٹاک ایکسچینج (پی ایس ایکس)نے کارانداز(کے آر این)کے ساتھ ایک معاہدے پر دستخط کیے جس کے تحت جی ای ایم بورڈ میں درج ہونے والی ممکنہ کمپنیوں کو تکنیکی امدادی گرانٹس دی جائیں گی۔ معاہدے پر پی ایس ایکس کے ایم ڈی اور سی ای او فرخ ایچ خان اور کارانداز پاکستان کے سی ای او وقاص الحسن نے ایکسچینج میں بدھ کو منعقدہ ایک گانگ تقریب میں دستخط کیے۔
جی ای ایم بورڈ کو قابل چھوٹی اور درمیانی کاروباری کمپنیوں(ایس ایم ایز)کو فروغ دینے کے لیے پی ایس ایکس نے کے آر این سے رابطہ کیا تاکہ چھوٹے کاروباروں کو کاروبار کی ترقی کے لیے بہت ضروری سرمایہ اکٹھا کرنے میں سہولت فراہم کی جا سکے۔ اس معاہدے پر دستخط کے ساتھ پی ایس ایکس اور کے آر این نے چھوٹے سے درمیانے درجے کی ترقی کے اہل کاروباری اداروں کو گرانٹ فراہم کر نے کے لیے جی ای ایم بورڈ میں فہرست بنانے کی کوشش میں مدد کرنے کے لیے ہاتھ ملایا ہے۔
اس موقع پر گفتگو کرتے ہوئے پی ایس ایکس کے ایم ڈی اور سی ای او فرخ خان نے کہاکہ آج کادن پاکستان کی کیپٹل مارکیٹ کو فروغ کے لیے ایک اہم دن ہے جس کے تحت ہم پی ایس ایکس کے جی ای ایم بورڈ میں فہرست میں شامل ہونے کے لیے چھوٹے سے درمیانے درجے کی ترقی کے اہل کاروباری اداروں کو سہولت اور مدد فراہم کر رہے ہیں۔انہوں نے کہا کہ اس بات کے مد نظر کہ سرمایہ کی فہرست بنانے اور بڑھانے کے لیے چھوٹے کاروباری اداروں کی فیصلہ سازی میں لاگت ایک اہم کردار ادا کرتی ہے، یہ معاہدہ جی ای ایم بورڈ پر فہرست میں شامل پانچ اہل ترقی کے اداروں کے لیے فہرست سازی کے اخراجات کے کچھ حصے کو پورا کرنے کے لیے گرانٹ کے لیے بال رولنگ کا تعین کرتا ہے۔ لہذا اس سے ان کمپنیوں کے لیے سرمایہ جمع کرنے کی لاگت میں کمی آئے گی۔
یہ معاہدہ پی ایس ایکس اور کے آر ین کے مشترکہ اقدام کا نتیجہ ہے جس کا مقصد چھوٹے اور درمیانی کاروباروں کو سرمایہ اکٹھا کرنے اور جی ای ایم بورڈ میں فہرست سازی کے ذریعے اپنے کاروبار کو بڑھانے کے لیے فروغ دینے اور ان کی معاونت کرنا ہے۔انہوں نے مزید کہاکہ معاہدے پر دستخط جی ای ایم بورڈ، اس کی فہرست میں شامل کمپنیوں اور مجموعی طور پر کیپٹل مارکیٹ کی ترقی کی نشاندہی کرتا ہے کہ جب ہم جی ای ایم بورڈ میں فہرست سازی کے لیے اہل کمپنیوں کی ٹھوس بنیادوں پر مدد کرنے جا رہے ہیں، یہ معاہدہ رفتار کا تعین کرتا ہے اور پی ایس ایکس اور کارپوریٹ اداروں کے درمیان مزید تعاون کی بنیاد رکھتا ہے تاکہ چھوٹے ترقی پذیر اداروں کو جی ای ایم بورڈ میں فہرست میں شامل کرنے کی حمایت اور حوصلہ افزائی کی جا سکے۔
کارانداز کے سی ای او وقاص الحسن نے ایس ایم ای فنانسنگ میں کارانداز کے کردار اور کاروبار کے لیے مالیاتی مواقع فراہم کرنے کے لیے کار انداز اور پی ایس ایکس کے درمیان شراکت کی اہمیت پر روشنی ڈالتے ہوئے کہا کہ کارانداز کا مشن معاشی ترقی کو فروغ دینا اور نان بینکنگ افراد اور غیر خدماتی اداروں کی مالیاتی شمولیت کے ذریعے ملازمتیں پیدا کرنا ہے۔ اس نے اب تک مختلف فنانسنگ اسکیموں کے ذریعے 850,613ایم ایس ایم ایز کو فنانسنگ فراہم کی ہے، جس کے نتیجے میں 1,006,930ملازمتوں کی معاونت کی اور مجموعی طور پر ایم ایس ایم ایز کے لیے 199ارب روپے کی اضافی آمدنی حاصل ہوئی۔
انہوں نے کہا پی ایس ایکس کے ساتھ شراکت ایس ایم ایز کو جی ای ایم بورڈ میں اندراج کے لیے مدد کرنے کے لیے اور ان کی ترقی کے لیے نجی سرمائے تک رسائی میں مدد دینے کے ہمارے وسیع تر مشن کے مطابق ہے۔ انہوں نے اس یقین کا اظہار کیا کہ کارانداز کی پی ایس ایکس کو فنڈنگ جی ای ایم کی فہرست سازی کے لیے مضبوط سلسلہ استوار کرنے اور مرکزی بورڈ پر حتمی فہرست سازی کے لیے ایک مضبوط چینل کے طور پر تیار کرنے میں مدد کرے گی۔ اس موقع پر خطاب کرتے ہوئے برٹش ہائی کمیشن کے ڈویلپمنٹ ڈائریکٹر جو موئیر نے کہا کہ برطانیہ کی حکومت کارانداز کے ذریعے اس اقدام کی حمایت پر مسرت کا اظہار کرتی ہے۔
انہوں نے کہا کہ جی ای ایم پراجیکٹ ایس ایم ایز کو کیپٹل مارکیٹوں میں فنانس تک رسائی کی اجازت دیتا ہے، جس سے وہ ترقی کرنے اور اپنی صلاحیتوں کو پورا کرنے کے قابل بناتا ہے۔اس طرح ایس ایم ایز پاکستان کی معیشت کے لیے ترقی کا انجن بن سکتے ہیں۔اپنے اختتامی کلمات میں کے آر این اور پی ایس ایکس کی چیئرپرسن ڈاکٹر شمشاد اختر جنہوں نے دونوں اداروں کے درمیان جی ای ایم پارٹنرشپ کو فروغ دینے میں اہم کردار ادا کیا، نے اس اقدام پر روشنی ڈالتے ہوئے کہا کہ یہ دونوں کے لیے جی ای ایم چیلنجوں سے نمنٹے کے لیے ایک منفرد موقع ہے کیونکہ اس نے ایک وسیع البنیاد ایکو سسٹم اور ایس ایم ای فنانس کے لیے ادارہ جاتی ڈھانچہ استوار کیا ہے اور پی ایس ایکس پچھلے سال کے دوران اپنے جی ای ایم بورڈ کو چند کمپنیوں کی لسٹنگ کے ذریعے فعال بنانے میں کامیاب ہوا۔ انہوں نے کہا کے آر این کی کمپنیوں کی لسٹنگ کے لیے مالی معاونت سرمائے اور قرض کے لیے راستے کھولے گی۔ انہوں نے کہا یہ اقدام لسٹڈ کمپنیوں کو ایس ایم ای کے شعبے میں ایک مخصوص درجے پر ترقی دے گا جنہوں نے ادارہ جاتی پختگی، عزم اور ترقی کے امکانات کا مظاہرہ کیا۔
انہوں نے مزید کہا کہ یہ کاروباری خصوصیات ان اداروں کے لیے ضروری ہیں جو ملک کے کاروباری منظر نامے پر بے مثال ترقی کی کارکردگی اور بین الاقوامی م مارکیٹ میں داخل ہونے کی خواہش رکھتی ہیں۔ جی ای ایم بورڈ پر نئی لسٹنگ پی ایس ایکس کی اسٹرٹیجک ترجیح ہے۔ انہوں نے اس بات کو تسلیم کیا کہ چھوٹی فرموں کے لیے مارکیٹ میں آگے بڑھانا جیسا کہ جی ای ایم بورڈ مشکل ہو گا لیکن ایکسچینج اور عمومی طور پر معیشت دونوں کے لیے ممکنہ فوائد اس کوشش کو کارآمد بنائیں گے۔
