کراچی ۔ 27 دسمبر (اے پی پی) پاکستان اسٹاک ایکسچینج (پی ایس ایکس) میں تیزی کا رجحان رہا، کے ایس ای 100 انڈیکس 620.98 پوائنٹس کے اضافے سے 40146.73 پوائنٹس پر بند ہوا، مارکیٹ سرمایہ میں 96 ارب 10 کروڑ 25 لاکھ 76 ہزار 338 روپے کا اضافہ ہوگیا جبکہ تجارتی حجم میں بھی 2 ارب 15 کروڑ 41 لاکھ 88 ہزار 439 روپے کی تیزی ریکارڈ کی گئی۔ اسی طرح خرید و فروخت میں 2 کروڑ 11 لاکھ 67 ہزار 950 حصص کا اضافہ دیکھا گیا۔ تفصیلات کے مطابق کاروباری ہفتے کے تیسرے روز بدھ کو پی ایس ایکس میں تیزی کا رجحان رہا اور کے ایس ای 100 انڈیکس 39600، 39700، 39800، 39900 40000 اور 40100 پوائنٹس کی چھ بالائی نفسیاتی حد عبور کرتے ہوئے 620.98 پوائنٹس کے اضافے سے 40146.73 پوائنٹس پر بند ہوا جبکہ کے ایس ای 30 انڈیکس بھی 362.94 پوائنٹس کی تیزی سے 20115.77 پوائنٹس پر بند ہوا۔ اسی طرح مارکیٹ میں اتار چڑھاﺅ کے بعد کے ایس سی آل شیئر انڈیکس میں 331.47 پوائنٹس کا اضافہ ہوا جبکہ کے ایم آئی 30 انڈیکس میں 1479.52 پوائنٹس کی تیزی رہی۔
