اسلام آباد۔26جولائی (اے پی پی):پی ٹی آئی کی اسلام آباد میں احتجاج کی اجازت نہ ملنے کے خلاف درخواست پراسلام آباد ہائیکورٹ کی جسٹس ثمن رفعت امتیاز نے تحریری فیصلہ جاری کرتے ہوئے کہا ہےآج احتجاج پریکٹیکل اب ممکن نہیں اس لئے پی ٹی آئی پٹیشن نئی درخواست تصور ہو گی،
29 جولائی کو ایف نائن پارک یا کسی مناسب جگہ احتجاج کی درخواست پر انتظامیہ فیصلہ کرے ،ڈپٹی کمشنر اسلام آباد پی ٹی آئی کی 29 جولائی احتجاج کی درخواست پر وجوہات کے ساتھ فیصلہ کریں ،اسٹیٹ کونسل احتجاج کی اجازت نہ دینے کی وجوہات سے متعلق مطمئن نہیں کر سکے ،
درخواست گزار نے کہا کہ 29 جولائی ایف نائن پارک میں احتجاج کی اجازت دے دی جائے ،درخواست گزار نے انڈر ٹیکنگ دی کہ احتجاج پرامن ہو گا کوئی لا اینڈ آرڈر کی صورت حال نہیں بنے گی ،ایڈوکیٹ جنرل اسلام آباد نے عدالت کو بتایا 18 جولائی سے دو ماہ کے لیے دفعہ 144 نافذ ہے ،ایڈوکیٹ جنرل نے کہا 29 جولائی احتجاج کی اجازت تب ہی ہو سکتی ہے اگر باقی سیاسی جماعتوں کی طرف سے لا اینڈ آرڈر صورتحال پیدا نہ ہو ،
مناسب پابندیوں کے ساتھ آئین میں پرامن احتجاج ہر کسی کا حق ہے ،کسی اور سیاسی جماعت کے تھریٹ کی بنا پر پٹشنر پارٹی کے آئینی حقوق سلب نہیں ہو سکتے ۔
