پیرس اولمپکس میں 6 دن باقی،پاکستانی برادری کی جانب سے اولمپک دستہ کے لئے بھرپور حمایت اور نیک تمناؤں کا اظہار

پیرس۔20جولائی (اے پی پی):فرانس میں پاکستانی برادری اور سفارت خانہ نے سمر اولمپک گیمز میں پاکستانی اولمپک دستہ کے لئے بھرپور حمایت اور نیک تمناؤں کا اظہار کیا ہے جس کے انعقاد میں چھ روز باقی رہ گئے ہیں ۔

سفارت خانے کی ایکس پر پوسٹ کے مطابق سفارت خانہ اور پاکستانی برادری اولمپک گیمز میں پاکستانی اولمپک دستہ کے لئے میدان میں اور میدان کے باہر بھرپور حمایت کا اظہار کررہے ہیں۔پوسٹ میں کہا گیا کہ آئیے اپنے کھلاڑیوں کی حوصلہ افزائی اور ان کی کامیابی کے لئے دعا کریں۔

سمر اولمپکس، پیرس 26 جولائی کو شروع ہورہے ہیں جس میں پاکستانی ایتھلیٹس نیزہ بازی، شوٹنگ اور تیراکی کے مقابلوں میں مادر وطن کی نمائندگی کریں گے