اسلام آباد۔14اکتوبر (اے پی پی):نیشنل کمانڈ اینڈآپریشن سنٹر (این سی او سی) نے کورونا وائرس کے حوالے سے تازہ ترین اعداد وشمار جاری کر دیئے ہیں۔بدھ کو این سی او سی سے جاری کردہ اعدادو شمار کے مطابق گزشتہ 24 گھنٹوں کے دوران کورونا کے 615 مریضوں کے ٹیسٹ مثبت آئے اور 12 مریض ہسپتالوں میں اور 2 مریض گھروں میں قرنطینہ کے دوران اس وائرس سے جاں بحق ہوئے۔گزشتہ 24گھنٹوں کے دوران کووڈ۔19 کے 28 ہزار 916 ٹیسٹ کیے گئے جن میں سے سندھ میں 8 ہزار 448، پنجاب میں 11 ہزار 66، خیبرپختونخوا میں 3 ہزار 125، اسلام آباد میں 4 ہزار 594، بلوچستان میں 923,گلگت بلتستان میں 252، آزاد کشمیر میں 508 ٹیسٹ شامل ہیں۔ اب تک ملک بھر میں کووڈ۔19 سے صحتیاب ہونے والوں کی تعداد 3 لاکھ 5 ہزار 80 ہو چکی ہے۔آزاد کشمیر اور بلوچستان میں کووڈ۔19 کا کوئی بھی مریض اس وقت وینٹیلیٹرز پر نہیں ہے جبکہ ملک بھر میں کوروناکووڈ۔19 کے لیے مختص 1 ہزار 912 وینٹیلیٹرز پر81 مریض ہیں۔ ملک بھر میں کووڈ۔19 کے ایکٹو کیسز کی تعداد 8 ہزار 782 ہے۔ ملک بھر میں کورونا وائرس سے متاثرہ افراد کی تعداد 3 لاکھ 20 ہزار 463 ہے جن میں سے آزاد کشمیر میں 3 ہزار 198, بلوچستان میں 15 ہزار 577, گلگت بلتستان میں 3 ہزار 965، اسلام آباد میں 17 ہزار 526, خیبر پختونخوا میں 38 ہزار 427، پنجاب میں 1 لاکھ 1 ہزار 14 اور سندھ میں 1 لاکھ 40 ہزار 756 مریض ہیں۔ ملک بھر میں کووڈ۔19 سے جاں بحق ہونے والوں کی تعداد 6 ہزار 601 ہے جن میں سے سندھ میں 2 ہزار 562 اموات شامل ہیں،گزشتہ چوبیس گھنٹوں کے دوران صوبے میں 4 مریض ہسپتالوں میں جبکہ 2 مریض گھروں میں قرنطینہ کے دوران جاں بحق ہوا، پنجاب میں اب تک 2 ہزار 270 اموات ہو چکی ہیں جبکہ گزشتہ چوبیس گھنٹوں کے دوران صوبے میں 6مریض ہسپتالوں میں اس وائرس سے جاں بحق ہوا،خیبر پختونخوا میں 1 ہزار 264 اموات،اسلام آباد میں کل 189 اموات،بلوچستان میں 146اموات، گلگت بلتستان میں 90 اموات، آزاد کشمیر میں اس وائرس سے 80 اموات ہو چکی ہیں جبکہ گزشتہ چوبیس گھنٹوں کے دوران 2 مریض ہسپتالوں میں اس وائرس کی وجہ سے جاں بحق ہوئے۔اب تک ملک بھر میں کووڈ۔19 کے 39 لاکھ 43 ہزار 734 ٹیسٹ کیے جا چکے ہیں۔ ملک بھر میں کووڈ۔19 کے علاج کیلئے مختص 735 ہسپتالوں میں 853 مریض زیر علاج ہیں۔
