چیئرمین جوائنٹ چیفس آف سٹاف کمیٹیجنرل زبیرمحمود حیات کا پاک فضائیہ کی جنگی تیاریوں اور جدیدیت کے پروگراموں پر اظہاراطمینان
آپریشن ضرب عضب میں پاک فضائیہ کے کلیدی کردار اور ائےر مینوں کے پیشہ وارانہ صلاحیتوں کی تعریف
اسلام آباد ۔ 30 نومبر (اے پی پی)چیئرمین جوائنٹ چیفس آف سٹاف کمیٹیجنرل زبیرمحمود حیات نے پاک فضائیہ کی جنگی تیاریوں اور جدیدیت کے پروگراموں پر اطمینان کااظہارکرتے ہوئے دہشت گردی کے خلاف جاری آپریشن ضرب عضب میں پاک فضائیہ کے کلیدی کردار اور ائےر مینوں کے پیشہ وارانہ صلاحیتوں کی تعریف کی۔وہ بدھ کو ائیر ہیڈ کوارٹرز اسلام آباد کے اپنے پہلے دورے کے موقع پر گفتگوکر رہے تھے۔پاک فضائیہ کے ترجمان کے مطابق جنرل زبیر محمود حیات جب ایئر ہیڈ کوارٹر پہنچے تو پاک فضائےہ کے سربراہ ائیر چیف مارشل سہیل امان نے ان کا استقبال کےا۔ان کی ائیرہیڈ کوارٹرز آمد پر پاک فضائیہ کے ایک چاق وچوبند دستے نے انہیںگارڈ آف آنر پیش کیا۔چیئرمین جوائنٹ چیفس آف سٹاف کمیٹیجنرل زبیرمحمود حیات نے پاک فضائیہ کے شہداءکو خراج تحسین پیش کرنے کے لئے یادگار شہداءپر پھولوں کی چادر چڑھائی۔ پاک فضائیہ کے سربراہ نے معزز مہمان سے پرنسپل سٹاف آفیسر ز کا تعارف کرایا ۔بعد ازاں جنرل زبیر محمودحیات نے ائیر چیف سے انکے آفس میں ملاقات کی۔ دونوں معزز شخصیات کچھ دیر تک ایک ساتھ رہیں اور پیشہ ورانہ دلچسپی کے امور پر تبادلہ ءخیال کیا ۔ چیئر مین جوائنٹ چیفس آف سٹاف کمیٹی نے دہشت گردی کے خلاف جاری آپریشن ضرب عضب میں پاک فضائیہ کے کلیدی کردار اور ائےر مینوں کے پیشہ وارانہ صلاحیتوں کی تعریف کی۔ انہوں نے پاک فضائیہ کی جنگی تیاریوں اور جدیدیت کے پروگراموں پر اطمینان کا اظہار کیا۔
