اسلام آباد۔30اگست (اے پی پی): چیئرمین سینیٹ محمد صادق سنجرانی نے دریائے ستلج میں سیلابی ریلے کی وجہ سے جنوبی پنجاب کے متعدد علاقوں ہونے والے جانی و مالی نقصانات پر دُکھ اور افسوس کا اظہار کیا ہے۔چیئرمین سینیٹ نے ضلعی انتظامیہ، ڈیزاسٹر منیجمنٹ اور ریسکیو حکام کو ہدایات جاری کیں کہ سیلاب متاثرین کو فوری امداد فراہم کریں اور تمام رابطہ سڑکوں کی بحالی کے لیے ہنگامی بنیادوں پر اقدامات اورنشیبی علاقوں کی آبادیوں کی محفوظ جگہوں پر منتقلی کے لیے فوری انتظامات کیے جائیں۔
چیئرمین سینیٹ نے سیلابی صورت حال سے نمٹنے کیلئے فوج اور صوبائی نگران حکومتوں کی کاوشوں کو سراہا۔چیئرمین سینیٹ نے سیلابی علاقوں کے مکینوں کی ہر ممکن امداد کرنے کی ہدایات بھی جاری کیں۔چیئرمین سینیٹ نے سیلابی ریلوں کے نتیجے میں جاں بحق ہونے والے افراد کی بلند درجات اور زخمیوں کی جلد صحت یابی کیلئے دعا کی۔
ڈپٹی چیئرمین سینیٹ سینیٹر مرزا محمد آفریدی نے بھی بھارت کی جانب سے دریائے ستلج میں سیلابی ریلے کے نتیجے میں جنوبی پنجاب کے متعدد علاقوں میں سیلابی ریلوں سے ہونے والے جانی و مالی نقصانات پر دُکھ اور افسوس کا اظہار کیا ہے۔
Short Link: https://urdu.app.com.pk/urdu/?p=384290
