اسلام آباد۔28جنوری (اے پی پی):چیف الیکشن کمشنر نے الیکشن کمیشن آف پاکستان کی ڈیجیٹل سروسز کا افتتاح کیا، جو الیکشن کمیشن کو ڈیجیٹائز کرنے اور عوامی رابطے کو مزید مؤثر بنانے کی جانب ایک اہم قدم ہے۔ اس موقع پر اس بات پر زور دیا گیا کہ یہ سہولیات روزمرہ کے آپریشنز کو بہتر بنانے میں اہم کردار ادا کریں گی، جس سے عملےو عوام دونوں کو آسانی سے خدمات تک رسائی حاصل ہو گی۔
نئی ڈیجیٹل سروسز میں کئی داخلی ماڈیولز اور دو موبائل ایپلیکیشنز شامل ہیں جو الیکشن کمیشن اور ووٹرز کی مختلف ضروریات کو پورا کرنے کے لیے تیارکی گئی ہیں۔اہم خصوصیات اور ماڈیولز میں لیگل کیس مینجمنٹ سسٹم ، ٹریننگ انفارمیشن مینجمنٹ سسٹم ، ہیومن ریسورس مینجمنٹ سسٹم ،ایڈمن ، مانیٹرنگ اینڈ رپورٹنگ سسٹم ، انٹیگریٹڈ آفس ریکارڈ مینجمنٹ سسٹم ، کمپلینٹ مینجمنٹ سسٹم ( سی ایم ایس ) موبائل ایپلیکیشن ، ای سی پی اسٹاف موبائل ایپلیکیشن کور شیڈولر اور ٹیلی فون ڈائریکٹری شامل ہے ۔ ان ڈیجیٹل پلیٹ فارمز کی وجہ سے ورک فلو بہتر ہوتا ہے، یہ ریئل ٹائم ڈیٹا مینجمنٹ کی سہولت فراہم کرتا ہے۔
یہ ٹیکنالوجی الیکشن کمیشن کی صلاحیت کو مزید بہتر بناتی ہے تاکہ وہ اہم سرگرمیوں کو مؤثر طریقے سے منظم کر سکے ۔ عوام کو اب شکایات درج کرنے اور ان کی ٹریکنگ سمیت اہم خدمات تک بے مثال رسائی حاصل ہو گئی ہے۔ یہ خدمات شہریوں کو انتخابی عمل میں براہ راست شمولیت کی سہولت فراہم کرتی ہیں اور ان کی شکایات کا ازالہ کیا جاتا ہے۔
Short Link: https://urdu.app.com.pk/urdu/?p=552740
